| e-texts navigator |
| Wylie |
25b1 གཉིས་པ་ལའོ། ། གཉིས་པའི་གང་ཡིན་པ་དེ་ནི་གསུམ་པ་ལའོ།། གསུམ་པའི་གང་ཡིན་པ་དེ་ནི་བཞི་པ་ལའོ།། བཞི་པའི་གང་ཡིན་པ་དེ་ནི་ལྔ་པ་ལའོ།། ལྔ་པའི་གང་ཡིན་པ་དེ་ནི་དྲུག་པ་ལའོ།། དྲུག
25b2 པའི་གང་ཡིན་པ་དེ་ནི་བདུན་པ་ལའོ། ། སཱ་ལའི་འཕྲེང་བ་བདུན་པའི་ཡལ་ག་དང་། ལོ་མ་དང་། ཡན་ལག་གང་ཡིན་པ་དེས་ནི་ནམ་མཁའ་ཁྱབ་པར་འདུག་གོ།། དེའི་ནང་གི་ས་གཞི་ཡང་དབྱིབས
25b3 ལེགས་ཤིང་བལྟ་ན་སྡུག་ལ་མཛེས་པ་གསེར་གྱི་བྱེ་མ་བདལ་ཅིང་། ཙན་དན་གྱི་ཆུས་ཆག་ཆག་བཏབ་པ་སྟེ། དེར་ཡང་ཡིད་དུ་མི་འོང་བའི་ཤིང་ངམ། གསེག་མ་འམ། གང་ཅི་ཡང་རུང་བ་དག་ལྷུང་ན།
25b4 དེར་མི་མ་ཡིན་པ་རྣམས་ཀྱིས་རླུང་གི་མཐུས་ཕྱི་རོལ་དུ་འདོར་རོ།། དེའི་ལམ་སྲིད་དུ་དཔག་ཚད་ཉི་ཤུ། ཞེང་དུ་དཔག་ཚད་ཕྱེད་དང་གཉིས་ཡོད་དེ། དབྱིབས་ལེགས་ཤིང་བལྟ་ན་སྡུག་ལ་མཛེས་པ་སྟེ།
25b5 དེར་ཡང་ཡིད་དུ་མི་འོང་བའི་ཤིང་ངམ། གསེག་མ་འམ། གང་ཅི་ཡང་རུང་བ་དག་ལྷུང་ན། དེ་མི་མ་ཡིན་པ་རྣམས་ཀྱིས་རླུང་གི་མཐུས་ཕྱི་རོལ་དུ་འདོར་རོ།། སཱ་ལའི་རྒྱལ་པོ་རབ་ཏུ་བརྟན་པའི་ཤར
25b6 ཕྱོགས་དཔག་ཚད་ཉི་ཤུ་ན། རྫིང་བུ་དལ་གྱིས་འབབ་ཅེས་བྱ་བ་ཆུར་དཔག་ཚད་ལྔ་བཅུ། ཞེང་དུ་དཔག་ཚད་ལྔ་བཅུ་སྟེ། མཐའ་སྐོར་དུ་དཔག་ཚད་ཉིས་བརྒྱ་ཡོད་པ། དབྱིབས་ལེགས་ཤིང་བལྟ་ན
25b7 སྡུག་ལ་མཛེས་པ་ཆུ་བསིལ་ཞིང་། ཆུ་སྦྲང་རྩི་ལྟ་བུས་གང་བ། མེ་ཏོག་ཨུཏྤ་ལ་དང་། པདྨ་དང་། ཀུ་མུ་ད་དང་། པདྨ་དཀར་པོས་ཁེབས་པ་ཞིག་ཡོད་དེ། རྫིང་བུ་དལ་གྱིས་འབབ་ཀྱི་ནང་གི་པདྨའི
iiif viewer powered by OpenSeadragon
