| e-texts navigator |
| Wylie |
203b1 སེམས་ཅན་བསྐལ་པ་དང་པོ་པཐར་གནས་པ་དེ་དག་ནི། ཚེ་ཡང་ལོ་བརྒྱད་ཁྲི་ཐུབ་སྟེ། དེའི་ཚེ་ཀུན་ཀྱང་བསམ་གཏན་གྱི་ཟས་ཟ། རང་གི་འོད་ཀྱིས་སྣང་སྟེ། ཉི་ཟླ་ཡང་མེད། འདོད་ཆགས་ཞེ་སྡང
203b2 གཏི་མུག་གསུམ་གྱི་སྒོ་ནས་ཤིན་ཏུ་གདུག་པ་ཡང་མེད། རྒྱལ་པོ་ལ་སོགས་པ་ཡང་མེད། བུད་མེད་དང་སྐྱེས་པ་ཡང་མེད། ཀུན་ཀྱང་རྫུས་ཏེ་སྐྱེ། སེམས་ཅན་རྣམས་སུ་བྱ་བ་ཡང་མེད།
203b3 དང་ངའི་ཞེས་བྱ་བའི་ང་རྒྱལ་ཡང་མེད་དེ། སེམས་ཅན་དམྱལ་བ་དང་། ཡི་དགས་དང་། བྱོལ་སོང་གི་རྒྱུ་ངན་པ་ཡང་མེད་དོ།། ཤིན་ཡང་གྱེན་དུ་སྐྱེ། འཁོད་ན་ཡང་ཕན་ཚུན་ལྡིང་ངོ་།། དེ་ལྟ་བུའི
203b4 ཡོན་ཏན་དང་ལྡན་པ་ལས། སེམས་ཅན་རྣམས་བསམ་གཏན་ལ་ལེ་ལོ་ཞུགས་པ་དང་། བསམ་གཏན་གྱི་ཟས་ཀྱང་མེད་པར་གྱུར་ནས། སེམས་ཅན་དེ་དག་གི་ལས་ཀྱིས། སའི་སྙིང་པོ་བྲོས
203b5 ཚོགས་པ་རབ་ཏུ་ཞིམ་པ་དེ་ཟའོ། ། དེ་ལྟ་བུ་ཟས་ཟ་བ་ལས། ལུས་ལྕི་ཞིང་རྩུབ་པར་གྱུར་ཏེ། འོད་ཀྱང་ཁད་ཀྱིས་ཡལ་ནས། མུན་པ་བསལ་བའི་ཕྱིར། སེམས་ཅན་གྱི་ལས་ཀྱིས་ན། མུན
203b6 པའི་གཉེན་པོ་འོད་སྣང་བར་གྱུར་ཏོ། ། དེ་ནས་སའི་ཁུ་བ་ཞིམ་པོ་དེ་ལ་ཤིན་ཏུ་སྲེད་པ་བྱུང་ནས། དེ་ཡང་ཁད་ཀྱིས་ཡལ་ལོ།། དེའི་འོག་ཏུ་དེ་དག་ས་ཞག་བྲོ་སྣ་ཚོགས་དང་ལྡན་པ། ཤིན་ཏུ་ཞིམ་པ་བྱུང་སྟེ།
203b7 དེ་ཟ་ཞིང་འཁོད་པ་ལས། དེ་ལ་རབ་ཏུ་ཆགས་པའི་སེམས་གཡོས་པས། དེ་ཡང་མེད་པར་གྱུར་ཏོ།། དེའི་འོག་ལྡུམ་བུ་ཞིམ་པོ་སྐྱེས་ཏེ། དེ་ལ་ཡང་ཆགས་པས། དེ་ཡང་མེད་པར་གྱུར་ཏོ།།
iiif viewer powered by OpenSeadragon
