| e-texts navigator |
| Wylie |
203a1 བསྐལ་པ་བར་མ་ཉི་ཤུའི་བར་དུ་ནི་འཇིག། ཉི་ཤུར་ནི་སྟོང་པར་འཇུག། ཉི་ཤུར་ནི་སླར་འཛུགས། ཉི་ཤུར་ནི་སེམས་ཅན་གནས་པའི་རིམས་ནི་གོང་མ་བཞིན་ནོ།། དེ་ནས་ཡང་སླ
203a2 མེའི་བསྐལ་པ་ལ་ཟུག་ཅིང་། རིམས་ཀྱིས་འབྱུང་བ་ནི་གོང་མ་བཞིན་ནོ།། ཞེ་སྡང་གི་གཞི་ཆེ་བས་ནི་མེའི་བསྐལ་པ་འབྱུང་སྟེ། བསམ་གཏན་དང་པོར་འཇིག། གཏི་མུག་གི་གཞི་ཆེ་བས་ནི། ཆུའི་བསྐལ
203a3 པ་འབྱུང་སྟེ། བསམ་གཏན་གཉིས་ཀྱི་སའི་བར་དུ་འཇིག། འདོད་ཆགས་ཀྱི་གཞི་ཆེ་བས་ནི། རླུང་གི་བསྐལ་པ་འབྱུང་སྟེ། བསམ་གཏན་གསུམ་གྱི་བར་དུ་འཇིག་གོ། བསམ་གཏན་བཞི་པ་རྣམས
203a4 ནི། རང་གི་ལས་ཀྱི་དུས་ཀྱི་ཚེ་མ་ཟད་ཀྱི་བར་དུ་གཞན་གྱིས་གློ་བུར་དུ་གཙེ་བ་མེད་དོ།། དེ་ལྟར་ན་འཇིག་རྟེན་འཇིག་ཅིང་འཛུགས་པ་དང་། གནས་པ་ལ་སོགས་པ་ཡང་སེམས་ཅན་གྱི་ལས་ཀྱི་རིམ་པ་ལ
203a5 འགྱུར་གྱི། གཞན་སུས་ཀྱང་བྱས་པ་མེད་དོ།། གླིང་བཞིའི་འཇིག་རྟེན་གྱི་ཁམས་འཇུག་ཅིང་འགྱུར་བའི་བཞིན། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱང་དེ་བཞིན་ནོ།། སེམས་ཅན
203a6 སླར་གནས་པའི་ཐབས་ནི། བསྐལ་པས་བཤིག་པའི་འོག་ཏུ་སེམས་ཅན་རང་གི་ལས་ཟད་དེ། གཟུགས་མེད་པའི་སེམས་ཅན་མན་ཆད། ཟུག་ཏུ་གནམ་གྱི་རིམས་ཀྱིས་མར་བབས་ཏེ། སུམ
203a7 ཅུ་རྩ་གསུམ་མན་ཆད། བྱང་དང་། ནུབ་དང་། ཤར་དུ་བབས་ནས། ཐོག་མར་ནི་འཛམ་བུའི་གླིང་དུ་འབབ་བོ།། འཇིག་པའི་ཚེ་ནི་ཐོག་མ་འཛམ་བུ་གླིང་ནས་འཇིག། གནས་པའི་ཚེ་ཐ་མར་གནས་སོ།།
iiif viewer powered by OpenSeadragon
