| e-texts navigator |
| Wylie |
201b1 ཤི་བ་མཐོང་སྟེ། འདི་ལྟར་ཕན་ཚུན་ཞེ་སྡང་བསྐྱོད་དེ་དཀྲུགས་ནས་ཤི་བ་ནི་མ་ལེགས་ཀྱིས། བདག་ཅག་ཕན་ཚུན་མི་འཁྲུག་པར་བྱའོ་ཞེས་ཏེ། བྱམས་པ་ལ་སོགས་པ་ཁད་ཀྱིས་བསྐྱེད་པ་དང་། ཚེ་ལོ་ཡང
201b2 ཁད་ཀྱིས་སྐྱེས་ནས། སླར་ཡང་བརྒྱད་ཁྲི་ལ་ཐུག་གོ།། ཡུལ་གྱི་རྣམས་དང་། ཁ་ཟས་ལ་སོགས་པ་ཡང་དེ་བཞིན་དུ་ཁད་ཀྱིས་བཟང་ཞིང་རིམ་པར་སྐྱེས་ཏེ། དེའི་མིང་ནི་གྲིབ་སྐྱེས་ཞེས་བྱའོ།། དེ་ལྟར
201b3 ཡང་ཚེ་ལོ་བརྒྱད་ཁྲི་ལས་ཡང་སེམས་ཅན་མི་དགེ་བའི་ལས་ཀྱིས་སླར་བྱད་གཟུགས་དང་། ཚེ་དང་། ཡུལ་གྱི་རྣམས་ཀུན་ཁད་ཀྱིས་འགྲིབས་ཏེ། སླར་ཚེ་ལོ་བཅུ་པ་ཐུག་པ་དང་། སྔོན་ནད་པ་མ་གསོས་ཤིང
201b4 སྨན་ལ་སོགས་པའི་སྦྱིན་སྟོང་མ་བྱས་པ་དང་གཏི་མུག་གི་ལན་གྱིས་ཀུན་ལ་ནད་བྱུང་སྟེ། ཟླ་བ་བདུན་དང་། ཞག་བདུན་དང་། བར་དུ་རྒྱུན་མི་འཆད་པར་འཆི་བར་འགྱུར་ཏེ། དེ་ལ་ཁ་ཅིག་སྔོན་གྱི་བསོད་ནམས
201b5 ཀྱི་ལས་ཀྱིས་འཁོད་པའི་རྣམས་ནི་སླར་དགེ་བའི་སེམས་སྐྱེས་ནས། དེ་བཞིན་ཡང་ལོ་བརྒྱད་ཁྲི་ལ་ཐུག་སྟེ། ཡུལ་རྣམས་དང་། ཡོ་བྱད་དང་། ལུས་གཟུགས་ལ་སོགས་ཐམས་ཅད་ཀྱང་། དེ་བཞིན
201b6 བཟང་ཞིང་རྒྱས་སོ། ། དེ་ནས་ཡང་སེམས་ཅན་མི་དགེ་བའི་ལས་གཡོས་ནས། སླར་ཚེ་ལ་སོགས་པ་ཀུན་ཀྱང་འགྲིབས་ཏེ། ཚེ་ལོ་བཅུ་ལ་བུག་པ་དང་། འདོད་ཆགས་དང་། སེར་སྣའི་ལས་ཀྱིས་མུ་གེ་ཆེན་པོ
201b7 བྱུང་སྟེ། ལོ་བདུན་ཟླ་བ་བདུན་དག་བདུན་གྱི་བར་དུ་རྒྱུན་མི་འཆད་པར་ཤི་བར་འགྱུར་ཏེ། དེའི་ནང་ནས་བསོད་ནམས་དང་མཐུ་ཆེ་བ་ཁ་ཅིག། མ་ཤི་བ་ནི་སྦྱིན་པ་གཏོང་བ་ལ་སོགས་པ་དགེ་བའི་གཞི་སྐྱེས་ཏེ།
iiif viewer powered by OpenSeadragon
