| e-texts navigator |
| Wylie |
19b1 ལྷ་འམ། ལྷའི་བུ་མོ་ཕྲག་པ་འམ། ཕང་པར་སེམས་ཅན་རྫུས་ཏེ་སྐྱེ་བ་འབྱུང་བར་འགྱུར་ཏེ། དེ་ན་ལྷ་འམ། ལྷའི་བུ་མོ་འདི་སྙམ་དུ་འདི་ནི་བདག་གི་བུ་འམ། བུ་མོའོ་སྙམ་དུ་སེམས་སོ།། ཁྱེའུ་དང་། བུ་མ
19b2 དེ་དག་ཀྱང་འདི་སྙམ་དུ་འདི་ནི་བདག་ཅག་གི་མ་འམ། ཕའོ་སྙམ་དུ་སེམས་སོ།། ཚངས་རིས་ཀྱི་ལྷ་རྣམས་ནི་ཐོག་མ་ནས་ལུས་ཀྱི་ཡན་ལག་དང་ཉིང་ལག་ཐམས་ཅད་རྫོགས་པར་སྐྱེ་ཞིང་། འཆི་བ་ན་དེ་ཁོ་ན
19b3 བཞིན་ནོ། ། ཚངས་རིས་ཀྱི་ལྷ་རྣམས་ཇི་ལྟ་བ་བཞིན་དུ། ཚངས་པའི་མདུན་ན་འདོན་པ་རྣམས་དང་། ཚངས་པ་ཆེན་པོ་པ་རྣམས་དང་། འོད་ཆུང་བ་རྣམས་དང་། ཚད་མེད་འོང་པ་རྣམས་དང་། འོད་གསལ་བ་རྣམས་དང
19b4 དགེ་ཆུང་བ་རྣམས་དང་། ཚད་མེད་དགེ་བ་རྣམས་དང་། དགེ་རྒྱས་པ་རྣམས་དང་། སྤྲིན་མེད་པ་རྣམས་དང་། བསོད་ནམས་སྐྱེས་པ་རྣམས་དང་། འབྲས་བུ་ཆེ་བ་རྣམས་དང་། མི་ཆེ་བ་རྣམས་དང་། མི་གདུང་བ་རྣ
19b5 དང་། གྱ་ནོམ་སྣང་བ་རྣམས་དང་། ཤིན་ཏུ་མཐོང་བ་པ་རྣམས་དང་། འོག་མིན་གྱི་ལྷ་རྣམས་ཀྱང་དེ་བཞིན་ནོ།། གཟུགས་མེད་པ་རྣམས་ལ་ནི། ལུས་ཀྱི་གཟུགས་མེད་དེ། དེ་བས་ན་དེ་བཞིན་སྐྱེ་བ་ཡང་མི
19b6 མངོན། འཆི་འཕོ་བ་ཡང་མི་མངོན་ནོ།། ཇི་ལྟར་འཛམ་བུའི་གླིང་གི་མི་རྣམས་མི་ཚངས་པར་སྤྱོད་པ་འཁྲིག་པའི་ཆོས་སྟོན་པ་ན་གཉིས་ཀྱིས་གཉིས་སྦྱོར་བ་ཡོད་པ་བཞིན་དུ། ཤར་གྱི་ལུས་འཕགས་པོ་རྣམ
19b7 དང་། ནུབ་ཀྱི་བ་ལང་སྤྱོད་པ་རྣམས་དང་། བྱང་གི་སྒྲ་མི་སྙན་པ་རྣམས་དང་། རྒྱལ་ཆེན་བཞིའི་ལྷོ་རྣམས་དང་། སུམ་ཅུ་རྩ་གསུམ་པ་རྣམས་ཀྱང་དེ་བཞིན་ནོ།། འཐབ་བྲལ་བ་རྣམས་ནི་འཁྱུད་པ་ཙམ་གྱིས་གདུང
iiif viewer powered by OpenSeadragon
