| e-texts navigator |
| Wylie |
15a1 ནི་དཔག་ཚད་གཉིས་སོ།། ཚད་མེད་འོད་པ་རྣམས་ཀྱི་དཔག་ཚད་བཞི་པའོ།། འོད་གསལ་བ་རྣམས་ཀྱི་ནི་དཔག་ཚད་བརྒྱད་དོ།། དགེ་ཆུང་བ་རྣམས་ཀྱི་ནི་དཔག་ཚད་བཅུ་དྲུག་གོ།། ཚད་མེད་དགེ
15a2 བ་རྣམས་ཀྱི་ནི་དཔག་ཚད་སུམ་ཅུ་རྩ་གཉིས་སོ། ། དགེ་རྒྱས་པ་རྣམས་ཀྱི་ནི་དཔག་ཚད་དྲུག་ཅུ་རྩ་བཞིའོ།། སྤྲིན་མེད་པ་རྣམས་ཀྱི་ནི་དཔག་ཚད་བརྒྱ་ཉི་ཤུ་རྩ་ལྔའོ།། བསོད་ནམས་སྐྱེས་པ་རྣམས་ཀྱི་ནི་དཔག་ཚད་ཉི
15a3 བརྒྱ་ལྔ་བཅུའོ། ། འབྲས་བུ་ཆེ་བའི་ལྷ་རྣམས་ཀྱི་ནི་དཔག་ཚད་ལྔ་བརྒྱའོ།། འདུ་ཤེས་མེད་པའི་སེམས་ཅན་རྣམས་ཀྱི་ཡང་དེ་དང་འདྲའོ།། མི་ཆེ་བའི་ལྷའི་ལུས་ཐོབ་པ་ནི་དཔག་ཚད་སྟོང་ངོ་།། མི་གདུང་བ་རྣམས་ཀྱི་ནི
15a4 དཔག་ཚད་ཉིས་སྟོང་ངོ་། ། གྱ་ཅོམ་སྣང་བ་རྣམས་ཀྱི་ནི་དཔག་ཚད་བཞི་སྟོང་ངོ་།། ཤིན་ཏུ་མཐོང་བ་པོ་རྣམས་ཀྱི་ནི་དཔག་ཚད་བརྒྱད་སྟོང་ངོ་།། འོག་མིན་གྱི་ལྷ་རྣམས་ཀྱི་ལུས་ཐོབ་པ་རྣམས་ཀྱི་ནི་དཔག་ཚད་ཁྲི་དྲུག་སྟོང་ངོ་།།
15a5 ། གཟུགས་མེད་པའི་ལྷ་རྣམས་ལ་ནི་བསགས་པའི་ལུས་མེད་དོ།། ཉི་ཟེར་གྱི་རྡུལ་གྱི་བཞི་བཅུ་རྩ་དགུའི་ཆ་གཅིག་ནི་རྡུལ་ཕྲ་རབ་ཡིན་ནོ།། རྡུལ་ཕྲ་རབ་བདུན་ལ་ནི་རྡུལ་ཕྲ་མོ་གཅིག་གོ། རྡུལ་ཕྲ་མོ་བདུན་ལ་ནི་ཉི་ཟེར་གྱི་རྡུལ
15a6 གཅིག་གོ། ཉི་ཟེར་གྱི་རྡུལ་བདུན་ལ་ནི་རི་བོང་གི་རྡུལ་གཅིག་གོ།། རི་བོང་གི་རྡུལ་བདུན་ལ་ནི་ལུག་རྡུལ་གཅིག་གོ། ལུག་རྡུལ་བདུན་ལ་ནི་གླང་རྡུལ་གཅིག་གོ། གླང་རྡུལ་བདུན་ལ་ནི་སྲོ་མ་གཅིག་གོ།། སྲོ་མ་བདུན་ལ་ནི་ཨ་པ
15a7 གན་གཅིག་གོ། ། ཨ་བ་ག་ན་བདུན་ལ་ནི་བ་ཏི་ཀ་གཅིག་གོ། བ་ཏི་ཀ་བདུན་ལ་ནི་ནས་འབྲུ་གཅིག་གོ། ནས་འབྲུ་བདུན་ལ་ནི་སོར་གཅིག་གོ།། སོར་ཉི་ཤུ་རྩ་བཞི་ལ་ཁྲུ་གང་ངོ་།། འཛམ་བུ་གླིང་གི་མི་རྣམས་ཁ་ཅིག་ནི་གྲོ།
iiif viewer powered by OpenSeadragon
