| e-texts navigator |
| Wylie |
14a1 འཕྲུལ་དབང་བྱེད་པ་རྣམས་ཀྱི་ཡང་དེ་བཞིན་ནོ། ། ཚངས་རིས་ཀྱི་ལྷ་རྣམས་ལ་ནི། དཔག་བསམས་ཀྱི་ཤིང་ལས་བྱུང་བའི་གོས་མེད་དོ།། དེ་ཡན་ཆད་ལ་ཡང་མེད་དོ།། ཇི་ལྟར་འཛམ་བུ་གླིང
14a2 གི་མི་རྣམས་ལ་ཡང་གདིང་བ་དང་། བགོ་བ་ལྕི་བ་དང་། ཡང་བ་ཡོད་པ་བཞིན་དུ། ཤར་གྱི་ལུས་འཕགས་པོ་རྣམས་དང་། ནུབ་ཀྱི་བ་ལང་སྤྱོད་པ་རྣམས་ལ་ཡང་ཡོད་དེ། བྱང་གི་སྒྲ་མི་སྙན་གྱི་མི་རྣམས་ཀྱི་དཔག
14a3 བསམས་ཀྱི་ཤིང་ལས་བྱུང་བའི་གོས་ལ་ནི་སྲང་གཅིག་ཡོད་དོ། ། རྒྱལ་ཆེན་བཞི་པའི་ལྷ་རྣམས་ཀྱི་ནི་སྲང་ཕྱེད་དོ།། སུམ་ཅུ་རྩ་གསུམ་གྱི་ལྷ་རྣམས་ཀྱི་ནི་སྲང་གི་བཞི་ཆ་གཅིག་གོ། འཐབ་བྲལ་བ་རྣམས་ཀྱི་ནི་སྲང
14a4 བརྒྱད་ཆ་གཅིག་གོ། དགའ་ལྡན་པ་རྣམས་ཀྱི་ནི་སྲང་གི་བཅུ་དྲུག་ཆ་གཅིག་གོ། འཕྲུལ་དགའ་བ་རྣམས་ཀྱི་ནི་སྲང་གི་སུམ་ཅུ་རྩ་གཉིས་ཀྱི་ཆ་གཅིག་གོ། གཞན་འཕྲུལ་དབང་བྱེད་པ་རྣམས་ཀྱི་དཔག་བསམས་ཀྱི
14a5 ཤིང་ལས་བྱུང་བའི་གོས་ནི་སྲང་གི་དྲུག་ཅུ་རྩ་བཞིའི་ཆ་གཅིག་ཡོད་དོ། ། ཚངས་རིས་ཀྱི་ལྷ་རྣམས་ཀྱི་ནི་གཞལ་དུ་མེད་པའི་གོས་ཡིན་ནོ།། ཚངས་རིས་ཀྱི་ལྷ་རྣམས་ཀྱི་ཇི་ལྟ་བ་བཞིན་དུ། ཚངས་པ་མདུན་ན་འདོན་རྣམས
14a6 དང་། ཚངས་པ་ཆེན་པོ་པ་རྣམས་དང་། འོད་ཆུང་བ་རྣམས་དང་། ཚད་མེད་འོད་པ་རྣམས་དང་། འོད་གསལ་བ་རྣམས་དང་། དགེ་ཆུང་བ་རྣམས་དང་། ཚད་མེད་དགེ་བ་རྣམས་དང་། དགེ་རྒྱས་པ་རྣམས་དང་། སྤྲིན་མེད
14a7 བ་རྣམས་དང་། བསོད་ནམས་སྐྱེས་པ་རྣམས་དང་། འབྲས་བུ་ཆེ་བ་རྣམས་དང་། མི་ཆེ་བ་རྣམས་དང་། མི་གདུང་བ་རྣམས་དང་། གྱ་ནོམ་སྣང་བ་པ་རྣམས་དང་། ཤིན་ཏུ་མཐོང་བ་པ་རྣམས་དང་། འོག་མིན
iiif viewer powered by OpenSeadragon
