| e-texts navigator |
| Wylie |
13a1 འཛམ་བུའི་གླིང་གི་མི་རྣམས་ལ་གདིང་བ་དང་། བགོ་བ་འདི་ལྟ་སྟེ། བལ་གོས་དང་། ཤ་ནའི་རས་དང་། གསོ་རས་དང་། ཟར་མའི་རས་དང་། ས་གོས་དང་པ་དང་དང
13a2 ཀོ་ཏམ་པའི་རས་དང་། རྩཝ་དུ་ཀུ་ལའི་གོས་དང་། ཨ་བ་རན་ཏིའི་ཀའི་གོས་དང་། རས་དང་། བེའུ་རས་ཡོད་པ་བཞིན་དུ། ཤར་གྱི་ལུས་འཕགས་པོ་རྣམས་དང་། ནུབ་ཀྱི་བ་ལང་སྤྱོད་པ་རྣམས་ལ་ཡང
13a3 ཡོད་དོ། ། བྱང་གི་སྒྲ་མི་སྙན་གྱི་མི་རྣམས་ནི་དཔག་བསམས་ཤིང་ལས་བྱུང་བའི་གོས་གྱོན་ནོ།། ཇི་ལྟར་བྱང་གི་སྒྲ་མི་སྙན་གྱི་མི་རྣམས་དཔག་བསམས་ཀྱི་ཤིང་ལས་བྱུང་བའི་གོས་གྱོན་པ་བཞིན་དུ་རྒྱལ
13a4 ཆེན་བཞིའི་ལྷ་རྣམས་དང་། སུམ་ཅུ་རྩ་གསུམ་པ་རྣམས་དང་། འཐབ་བྲལ་བ་རྣམས་དང་། དགའ་ལྡན་པ་རྣམས་དང་། འཕྲུལ་དགའ་བ་རྣམས་དང་། གཞན་འཕྲུལ་དབང་བྱེད་ཀྱི་ལྷ་རྣམས་ཀྱང
13a5 བཞིན་ནོ། ། ཚངས་རིས་ཀྱི་ལྷ་རྣམས་གོས་གྱོན་བཞིན་དུ་སྐྱེའོ།། ཚངས་རིས་ཀྱི་ལྷ་རྣམས་ཇི་ལྟ་བ་བཞིན་དུ། ཚངས་པའི་མདུན་ན་འདོན་པ་རྣམས་དང་། ཚངས་པ་ཆེན་པོ་པ་རྣམས་དང་། འོད
13a6 ཆུང་བ་རྣམས་དང་། ཚད་མེད་འོད་པ་རྣམས་དང་། འོད་གསལ་བ་རྣམས་དང་། དགེ་ཆུང་བ་རྣམས་དང་། ཚད་མེད་དགེ་བ་རྣམས་དང་། དགེ་རྒྱས་པ་རྣམས་དང་། སྤྲིན་མེད་པ་རྣམས་དང
13a7 བསོད་ནམས་སྐྱེས་པ་རྣམས་དང་། འབྲས་བུ་ཆེ་བ་རྣམས་དང་། མི་ཆེ་བ་རྣམས་དང་། མི་གདུང་བ་རྣམས་དང་། གྱ་ནོམ་སྣང་བ་པ་རྣམས་དང་། ཤིན་ཏུ་མཐོང་བ་པ་རྣམས་དང་། འོག་མིན་གྱི་ལྷ་རྣམས་ཀྱང
iiif viewer powered by OpenSeadragon
