| e-texts navigator |
| Wylie |
131b1 ། དེ་བཞིན་དུ། ཡང་སོས་ཀྱི་བར་དུ་ཡང་དེ་བཞིན་ཏེ། དེ་བས་ན། ལྕགས་ཀྱིས་ནི་ཤིན་ཏུ་ཁེབས།། ཞེས་བྱའོ།། ལྕགས་ཀྱིས་གཞི་རབ་ཚག།། འབར་ཞིང་གཟི་བརྗིད་ལྡན་པ་སྟེ། དཔག
131b2 ཚད་བརྒྱ་ཕྲག་དུ་མར་ཡང་། ། མེ་ལྕེ་རྣམས་ནི་མཆེད་པར་གནས།། ཞེས་བྱ་བ་ནི་སེམས་ཅན་དམྱལ་བ་ཆེན་པོ་མནར་མེད་པ་དཔག་ཚད་མང་པོ་དང་། དཔག་ཚད་བརྒྱ་ཕྲག་མང་པོ་དང་། དཔག་ཚད
131b3 སྟོང་ཕྲག་མང་པོ་དང་། དཔག་ཚད་བརྒྱ་སྟོང་ཕྲག་མང་པོར་ལྕགས་འབར་ཞིང་རབ་ཏུ་འབར་ལ། ཀུན་ཏུ་རབ་ཏུ་འབར་ཏེ། འབར་བ་གཅིག་ཏུ་གྱུར་ཅིང་སྲེག་པའོ།། སེམས་ཅན་དམྱལ་བ་ཆེན་པོ
131b4 མནར་མེད་པ་ཇི་ལྟ་བ་བཞིན་དུ་ཡང་སོས་ཀྱི་བར་དུ་ཡང་དེ་བཞིན་ཏེ། དེ་བས་ན། ལྕགས་ཀྱི་ས་གཞི་རབ་ཚག། འབར་ཞིང་གཟི་བརྗིད་ལྡན་པ་སྟེ།། དཔག་ཚད་བརྒྱ་ཕྲག་དུ་མར་ཡང་།། མེ་ལྕེ
131b5 རྣམས་ནི་མཆེད་པར་གནས། ། ཞེས་ཀྱང་བྱའོ།། འཇུངས་པ་འདུལ་བ་དྲག་པོ་སྟེ།། མེ་ལྕེ་ལྡན་ཞིང་བསྙེན་པར་དཀའ།། དེ་དག་བསྤུ་སློང་བའི་གཟུགས།། འཇིགས་ཤིང་སྡུག་བསྔལ་འཇིགས་པར།
131b6 བྱེད།། ཅེས་བྱ་བ་ལ། འཇུངས་པ་ཞེས་པ་ནི། གང་དག་སེར་སྣ་ཅན་སྤར་འཛུམས་ཤིང་། ཡོ་བྱད་རྣམས་ཀུན་ཏུ་འཛིན་ལ་སྦྱིན་པ་དག་ཀུན་ཏུ་འགྱེད་པར་མི་བྱེད་པ་གང་ཡིན་པ་དེ་དག་གོ།། གཞན་ཡང
131b7 གང་ཟག་གང་དག་ཉེས་པར་སྤྱོད་པའི་ལས་རྣམ་པ་སྣ་ཚོགས་བྱེད་པ་དེ་རྣམས་ཡིན་ཏེ། དེ་བས་ན་འཇུངས་པ་ཞེས་བྱའོ།། འཇུངས་པ་དེ་དག་ནི་སེམས་ཅན་དམྱལ་བ་ཆེན་པོ་བརྒྱད་པོ་དེ་དག་ཤིན་ཏུ་ཚ་ཞིང་རབ་ཏུ
iiif viewer powered by OpenSeadragon
