| e-texts navigator |
| Wylie |
130b1 ཨ་ནི་མི་རིགས་པ་བྱེད་པ་དང་། མི་རིགས་པས་འཚོ་བ་གང་ཡིན་པ་དེ་དག་ཡང་དག་པར་བླངས་པ་དེ་ལྟ་བུ་དང་། ཡང་དག་པར་སྤྱད་པས་དེ་ལྟ་བུའི་ལས་ངེས་ན་སེམས་ཅན་དམྱལ་བ་ཆེན་པོ་བརྒྱད་པོ་དག་ཏུ་སྐྱེ་བར་འགྱུ།
130b2 རོ།། དམྱལ་བ་བརྒྱད་པོ་འདི་དག་ནི།། ཞེས་བྱ་བ་ནི་ཡང་སོས་ནས་བཟུང་སྟེ། མནར་མེད་པའི་བར་རམ། ཡང་ན་མནར་མེད་པ་ནས་བཟུང་སྟེ། ཡང་སོས་ཀྱི་བར་དག་གོ།། དེ་བས་ན། དམྱལ་བ
130b3 བརྒྱད་པོ་འདི་དག་ནི། ། ཞེས་བྱའོ།། བསྟན་ཅེས་བྱ་བ་ནི་སངས་རྒྱས་རྣམས་དང་། སངས་རྒྱས་ཀྱི་ཉན་ཐོས་རྣམས་དང་། དམ་པ་རྣམས་དང་། ཡང་དག་པར་ཞུགས་པ་རྣམས་དང་། སྐྱེས་བུ་ངམ
130b4 པ་རྣམས་ཀྱིས་ཡང་དག་པར་བསྟན་པས། དེ་བས་ན་བསྟན་ཅེས་བྱའོ།། ཐར་པར་དཀའ་བ་ཞེས་བྱ་བ་ནི་སེམས་ཅན་དམྱལ་བ་ཆེན་པོ་བརྒྱད་པོ་འདི་དག་ནས་ཐར་པར་དཀའ་ཞིང་འདའ་བར་དཀའ་བ་ཡིན་ཏེ།། དེ་བས
130b5 ན་ཐར་པར་དཀའ་བ་ཞེས་བྱའོ། ། བརླང་བའི་ལས་བྱས་རྣམས་ཀྱིས་ཀྱང་།། ཞེས་བྱ་བ་ནི་ཤེས་པ་ནས་གནོད་བྱེད་ཀྱི་བར་དག་གི་བརླང་བའི་ལས་བྱས་ཏེ། དེ་བས་ན་དམྱལ་བ་བརྒྱད་པོ་འདི་དག་ནི་ཐར་པར་བསྟན
130b6 པ་སྟེ། བརླང་བའི་ལས་བྱས་རྣམས་ཀྱིས་གང་།། ཞེས་ཀྱང་བྱའོ།། རེ་རེའི་འཁོར་ནི་བཅུ་དྲུག་ཡོད།། ཅེས་བྱ་བ་ནི་སེམས་ཅན་དམྱལ་བ་ཆེན་པོ་མནར་མེད་པའི་ཤར་ཕྱོགས་ན། ལྷག་པའི་འཁོར་བཞི་ཡོད་དེ
130b7 རོ་མྱགས་པ་དང་། ཕྱི་སའི་འདམ་དང་། ལོ་མ་རྣམས་རལ་གྲིའི་སོ་ལྟ་བུའི་ཚལ་དང་། ལྕགས་ཀྱི་ཤིང་ཤལ་མ་ལིའི་ཚིལ་དང་། ཆུ་ཀླུང་རྣམ་པར་རྒལ་ཅེས་བྱ་བ་རྣམས་སོ།། ཤར་ཕྱོགས་ཇི་ལྟ་བ་དེ
iiif viewer powered by OpenSeadragon
