| e-texts navigator |
| Wylie |
128b1 ནས། དེ་དག་སེམས་ཅན་དམྱལ་བའི་སྲུངས་མ་དག་གིས་ལྕགས་ཀྱི་སྤྱད་ཀྱིས་ལ་ཕྱེ་ནས། ལྕགས་ཀྱི་སྐམ་པས་ལྕགས་ཀྱི་ཐུ་ལུམ་འབར་ཞིང་རབ་ཏུ་འབར་ལ། ཀུན་ཏུ་རབ་ཏུ་འབར་ཏེ། འབར་བ
128b2 གཅིག་ཏུ་གྱུར་པ་དག་ཁར་འཛུད་དེ། སེམས་ཅན་དེ་དག་གི་མཆུ་དག་ཀྱང་ཚིག་ཅིང་། ལྕེ་དང་། རྐན་དང་། ལྐོག་མ་དང་། མིད་པའི་སྔགས་དང་། སྙིང་དང་། སྙིང་ཀའི་གཉེར་ཀོར་དང་། རྒྱུ་མ་དང་།
128b3 གཉེ་མ་རྣམས་ཀྱང་ཚིག་ནས་ཐུར་དུ་འབྱུང་ངོ་།། གཞན་ཡང་སེམས་ཅན་དམྱལ་བའི་སྲུངས་མ་དེ་དག་གིས་སེམས་ཅན་དེ་དག་མཆིལ་པས་ཉ་དབྱུང་བ་བཞིན་དུ་ཕྱུང་ནས། ལྕགས་ཀྱི་ས་གཞི་འབར་ཞིང
128b4 རབ་ཏུ་འབར་ལ། ཀུན་ཏུ་རབ་ཏུ་འབར་ཏེ། འབར་བ་གཅིག་ཏུ་གྱུར་པ་ལ་གན་ཀྱལ་དུ་མནན་ནས། ཀྱེ་སེམས་ཅན་དག་ཅི་འདོད་ཅེས་འདྲིན།། དེ་དག་གིས་སྨྲས་པ། ཀྱི་བདག་ཅག་ཉིད་ཀྱང་མི
128b5 ཤེས་ལ། བདག་ཅག་ཉིད་ཀྱང་མི་མཐོང་ངོ་།། འོན་ཀྱང་བདག་ཅག་ནི་སྐོམ་མོ་ཞེས་ནས། དེ་དག་སེམས་ཅན་དམྱལ་བའི་སྲུངས་མ་དག་གིས་ལྕགས་ཀྱི་སྤྱད་ཀྱིས་ཁ་ཕྱེ་ནས། ཟངས་ཀྱི་སྐོལ་བ
128b6 འབར་ཞིང་རབ་ཏུ་འབར་ལ། ཀུན་ཏུ་རབ་ཏུ་འབར་ཏེ། འབར་བ་གཅིག་ཏུ་གྱུར་པ་ཁར་བླུགས་ཏེ། སེམས་ཅན་དེ་དག་གི་མཆུ་དག་ཀྱང་ཚིག་པ་ནས། ཟུར་དུ་འབྱུང་བའི་བར་དུ་སྟེ། དེ་དག་དེ་ལྟ
128b7 བུའི་སྡུག་བསྔལ་གྱིས་ཞེས་བྱ་བ་ནས། རྒྱས་པར་བྱའོ།། དེ་དག་མཐུ་ཉམས་ཤིང་གཟི་བྱིན་ཉམས་ལ། བརྩོན་འགྲུས་ཉམས་ཏེ། རབ་མེད་ཀྱི་འགྲམ་ན་འཁོད་དོ།། རབ་མེད་དེའི་འགྲམ་ན་ཁཱ་ལྕགས་ཀྱིསཆུ
iiif viewer powered by OpenSeadragon
