| e-texts navigator |
| Wylie |
127b1 སྤྱིའུ་ཚུགས་སུ་བརྡབས་ནས། མཚན་གཡས་གཡོན་གྱི་པགས་པ་དང་། སྒལ་ཚིགས་ཕྱུང་ཞིང་ཕྱུང་ཞིང་ཟའོ།། ལོ་མ་རལ་གྲིའི་སོ་ལྟ་བུའི་ཚལ་དེའི་འདབ་དྲུང་ཉིད་ན། ལྕགས་ཀྱི་ཤིང་ཤལ་མ་ལི་དཔག་ཚད
127b2 མང་པོ་ཞེས་བྱ་བ་ནས། སྔ་མ་བཞིན་ཏེ། མི་འགྲེང་བརྒྱ་ཕྲག་ས་ཡའི་སྲིད་ཙམ་ཡོད་པ། ཚེར་མ་རྣོ་ཞིང་སོར་བཅུ་དྲུག་པ་ལ་ཚལ་སྔོན་པོའི་འཕྲེང་བ་ལྟར་སྣང་བ་ཡོད་དེ། སེམས་ཅན་དེ་དག་དེའི་ནང་དུ་འགྲོ་ཞིང
127b3 གནས་ཚོལ་བ་ནས། སྔ་མ་བཞིན་ཏེ། དེ་དག་དེ་ལ་འཛེག་གོ།། དེ་དག་དེ་ལ་འཛེག་ན་ཚེར་མ་རྣམས་ཁ་ཐུར་དུ་ལྟ་ལ། ཕྱིར་འབབ་ན་ཚེར་མ་རྣམས་ཁ་གྱེན་དུ་ལྟའོ།། ལྕགས་ཀྱི་ཤལ་མ་ལིའི་ཚལ་དེ་ན
127b4 ཁཱ་ལྕགས་ཀྱི་མཆུ་ཅན་ཞེས་བྱ་བ་དག་གནས་ཏེ། སེམས་ཅན་དེ་དག་གི་ཕྲག་པ་འམ། མགོ་བོར་འདུག་ནས་མིག་འབྲུ་ཞིང་འབྲུ་ཞིང་ཟའོ།། མགོ་བོ་བརྟོལ་ནས་ཀླད་པ་འབྲུའོ།། ལྕགས་ཀྱི་ཤིང་ཤལ་མ
127b5 ལའི་ཚལ་དེ་ན་ལྕགས་ཀྱི་རྫ་རུམ་དང་། འཁར་ཟངས་པ་ཚའི་ཆུ་ཁོལ་བས་གང་ཞིག་འདུག་པ་ཡོད་དེ། གང་གི་ཚེ་སེམས་ཅན་དེ་དག་ལྕགས་ཀྱི་ཤིང་ཤལ་མ་ལའི་ཚལ་ལས་སྣང་ཅིང་སྨས་ཏེ། འབབ་པར
127b6 གྱུར་པ་དེའི་ཚེ། སེམས་ཅན་དམྱལ་བའི་སྲུངས་མ་དག་གིས་སེམས་ཅན་དེ་དག་བཟུང་ནས། ལྕགས་ཀྱི་རྫ་རུམ་འཁར་ཟངས་ཀྱི་ནང་དུ་སྤྱིའུ་ཚུགས་སུ་འདོར་རོ།། དེ་དག་དེའི་ནང་དུ་འོག་ཏུ་ཡང་འགྲོ་སྟེ
127b7 སྐོལ་ཞིང་འཚེད་དོ། ། དེ་བཞིན་དུ་སྟེང་དང་། ཐད་ཀ་དང་། ཕྱོགས་མཚམས་སུ་ཡང་འགྲོ་སྟེ་སྐོལ་ཞིང་འཚེད་པ་ནི། དཔེར་ན་ཏིལ་ལམ། མོན་སྲན་གྲེའུ་ཞེས་བྱ་བ་ནས། དེ་དག་དེ་ལྟ་བུའི་ཚུལ
iiif viewer powered by OpenSeadragon
