| e-texts navigator |
| Wylie |
126b1 ཤེས་ཏེ། མི་ཤེས་པའོ།། དེ་ནས་ཡང་ལྷག་པའི་འཁོར་མྱོང་བར་བྱེད་པ་ཡང་ཉམས་སུ་མྱོང་བར་འགྱུར་ཏེ། སེམས་ཅན་དམྱལ་བ་ཆེན་པོ་མནར་མེད་པ་དེའི་འདབ་དྲུང་ཉིད་ན། མེ་མར་མུར་པུས་མོ་ནུབ་པ
126b2 ཙམ་ལ་དཔག་ཚད་མང་པོ་དང་། དཔག་ཚད་བརྒྱ་ཕྲག་མང་པོའི་བར་དུ་རྒྱས་པར་བྱས་ཏེ། དེ་དག་དེར་རྒྱུག་ཅིང་རབ་ཏུ་རྒྱུག་ལ། ཀུན་ཏུ་རབ་ཏུ་རྒྱུག་སྟེ། གནས་ཚོལ་ཞིང་སྐྱབས་ཚོལ་ལ། འབྱུང་བའི
126b3 ཐབས་ཚོལ་ཏེ། དེ་དག་དེར་རྐང་པ་བཞག་ན་ནི་པགས་པ་དང་། ཤ་དང་། ཁྲག་ཀུན་ཞིགས་པར་འགྱུར་ལ། རྐང་པ་བཏེག་ན་ནི་པགས་པ་དང་། ཤ་དང་། ཁྲག་ཀུན་ཕྱིར་ཡང་སྐྱེ་བར་འགྱུར་ཏེ།
126b4 དེ་དག་དེ་ལྟ་བུའི་ཚུལ་གྱིས་ལོ་མང་པོར་ཞེས་བྱ་བ་ནས། སྔ་མ་བཞིན་ནོ།། མེ་མར་མུར་པུས་མོར་ཕྱིན་པ་ཙམ་གྱིས་འདབ་དྲུང་ཉིད་ན་རོ་མྱགས་པ་དང་། ཕྱི་སའི་འདམ་དཔག་ཚད་མང་པོའི་བར་དུ
126b5 རྒྱས་པར་བྱ་སྟེ། འཕང་དུ་ནི་མི་ཡས་ལ་བརྩོག་ཅིང་དྲི་ང་བ་དང་། བཤུལ་ཞིང་ཡིད་དང་འཐུན་པ་མ་ཡིན་པ་ཡོད་དོ།། དེ་ནས་སེམས་ཅན་དེ་དག་གནས་ཚོལ་ཞིང་སྐྱབས་ཚོལ་ལ། འབྱུང་བའི་ཐབས
126b6 ཚོལ་ཏེ། རྒྱུག་ཅིང་རབ་ཏུ་རྒྱུག་ལ། ཀུན་ཏུ་རབ་ཏུ་རྒྱུག་སྟེ། འབྲོས་པར་བྱེད་དོ།། རོ་མྱགས་པ་དང་། ཕྱི་སའི་འདས་དེ་ན་འབུ་མཆུ་རྣོན་ཞེས་བྱ་བ་ཐལ་ཀར་དུ་འདུག་ཅིང་མགོ་བོ་གནག་ལ
126b7 མཆུ་ཁབ་འདྲ་བ་དག་གནས་ཏེ། སེམས་ཅན་དེ་དག་གི་པགས་པ་འབིགས་སོ།། པགས་པ་ཕུག་ནས་ཤ་འབིགས་སོ།། ཤ་ཕུག་ནས་རྒྱས་པ་འབིགས་སོ།། རྒྱས་པ་ཕུག་ནས་རུས་པ་འཇིག
iiif viewer powered by OpenSeadragon
