| e-texts navigator |
| Wylie |
125b1 ལྕགས་ཀྱིས་གཞི་འབར་ཞིང་རབ་ཏུ་འབར་ལ། ཀུན་ཏུ་རབ་ཏུ་འབར་ཏེ། འབར་བ་གཅིག་ཏུ་གྱུར་པ་ལ་བཞག་ནས། ལྕགས་ཀྱི་ཞིབ་མས་ལྕགས་ཀྱི་མདག་མ་འབར་ཞིང་རབ་ཏུ་འབར་ལ། ཀུན་ཏུ་རབ
125b2 ཏུ་འབར་ཏེ། འབར་བ་གཅིག་ཏུ་གྱུར་པ་འཁྲབ་ཏུ་འཇུག་ཅིང་གཅིག་ཏུ་འཇུག་སྟེ། དེ་དག་དེ་ལྟ་བུའི་ཚུལ་གྱིས་ལོ་མང་པོ་ཞེས་བྱ་བའི་བར་དུ་རྒྱས་པར་བྱའོ།། གཞན་ཡང་སེམས་ཅན་དམྱལ་བ་ཆེན
125b3 པོ་མནར་མེད་པར་སེམས་ཅན་གང་སྐྱེས་པ་ནས། འཐོན་པར་འགྱུར་བའི་བར་དུ་སྟེ། དེ་དག་སེམས་ཅན་དམྱལ་བའི་སྲུངས་མ་དག་གིས་བསྲུངས་ནས། ལྕགས་ཀྱི་རི་འབར་ཞིང་། རབ་ཏུ་འབར་ལ།
125b4 ཀུན་ཏུ་རབ་ཏུ་འབར་ཏེ། འབར་བ་གཅིག་ཏུ་གྱུར་པ་ལ་འཛེག་ཏུ་འཇུག་པའི་ཕྱིར་ཡང་འབབ་ཏུ་བཅུག་སྟེ། དེ་དག་དེ་ལྟ་བུའི་ཚུལ་གྱིས་ལོ་མང་པོ་ཞེས་བྱ་བ་ནས། རྒྱས་པར་བྱ་སྟེ། དེ་ལ་སོགས་པ
125b5 དེ་ལས་གཞན་པ་རབ་ཏུ་མང་པོ་དག་ཀྱང་བརྗོད་པར་བྱ་སྟེ། མི་བཟད་པ་དེ་དག་དང་། མེ་ཏོག་དེ་དག་དང་། འབྲས་བུ་དེ་དག་དང་། རྣམ་པར་སྤྲོས་པས་དེ་དག་གིས་ན། སེམས་ཅན་དམྱལ་བ་ཆེན་པོ་མནར
125b6 མེད་པ་ཞེས་བྱ་སྟེ། དེ་ན་སྡུག་བསྔལ་ཞིང་མི་བཟང་ལ་རྩུབ་ཤིང་ཚ་བ་དང་། ཡིད་དུ་མི་འོང་ཞིང་སྲོག་གཅོད་པར་བྱེད་པ་ལས་ཀྱི་གནོད་པ་གཞན་དང་། གཞན་མང་པོ་དག་ཀྱང་ཡོད་དེ། འདི་སྐད་དུ
125b7 གང་ཞིག་ཆོས་ལ་ཆོས་མིན་དང་། ། ཆོས་མ་ཡིན་ལ་ཆོས་སུ་སྨྲ།། སྐྱེ་བོ་དམ་པ་དག་ལ་སྣང་།། མེད་པར་ལྟ་བ་མནར་མེད་ལྟུང་།། སྡོམ་ལ། མི་བཟད་འཆིང་བའི་གནོད་པ་དང་།། དེ་ནས
iiif viewer powered by OpenSeadragon
