| e-texts navigator |
| Wylie |
125a1 བུའི་ཚུལ་གྱིས་ཞེས་བྱ་བའི་བར་དུ་སྔ་མ་བཞིན་ནོ། ། གཞན་ཡང་སེམས་ཅན་དམྱལ་བ་ཆེན་པོ་མནར་མེད་པར་སེམས་ཅན་གང་སྐྱེས་པ་དང་། ཀུན་ཏུ་སྐྱེས་པ་དེ་དག་སེམས་ཅན་དམྱལ་བ
125a2 སྲུངས་མ་དག་གིས་བཟུང་ནས། ལྕགས་ཀྱི་ས་གཞི་འབར་ཞིང་རབ་ཏུ་འབར་ལ། ཀུན་ཏུ་རབ་ཏུ་འབར་ཏེ། འབར་བ་གཅིག་ཏུ་གྱུར་པ་ལ་སྤྱིའུ་ཚུགས་སུ་བཞག་ནས། གློ་གཉིས་ཀ་ནས་པགས་པ་བཤུས
125a3 ཏེ། ལྷག་པར་ཐུག་པར་བཤུས་ནས། ལྕགས་ཀྱི་ཤིང་རྟ་འདྲེན་དུ་བཅུག་སྟེ། ལམ་གྱི་བརྒྱད་མདོར་གང་འདོད་པ་དང་། ཅི་དགའ་བ་དང་། ཇི་སྲིད་དུ་འདོད་པར་འགྲོར་བཅུག་ཅིང་ཕྱིར་ཡང་ཟློག་པར་བྱེད་དེ།
125a4 དཔེར་ན་རྟ་གཡུང་པོ་བཞི་དང་སྦྱར་བའི་ཤིང་རྟ་སྲབ་མདའ་རིང་པོ་དང་། རྟོད་པ་དང་། ལྕགས་དང་སྦྱར་ཏེ། ལམ་གྱི་བཞི་མདོ་ཆེན་པོར་བཞག་པ་དེ་གཉའ་ཤིང་གིས་འདུལ་བའི་ཁ་ལོ་བ་མཁས་པས
125a5 མྱུར་ཞིང་མྱུར་བར་ཞོན་ཏེ། ལག་པ་གཡོན་པས་ནི་སྲབ་མདའ་བཟུང་ལག་པ་གཡས་པས་ནི་གཞུ་བའི་ལྕགས་ཐོགས་ཏེ། ལམ་གྱི་བརྒྱད་མདོར་གང་དུ་འདོད་པ་དང་། ཅི་དགའ་བ་དང་། ཇི་སྲིད
125a6 འདོད་པར་འགྲོར་བཅུག་ཅིང་། ཕྱིར་སླར་ཡང་བཟློག་པ་དེ་བཞིན་དུ། སེམས་ཅན་དམྱལ་བའི་སྲུངས་མ་དག་གིས་ཞེས་བྱ་བ་ནས། རྒྱས་པར་དེ་དག་དེ་ལྟ་བུའི་ཚུལ་གྱིས་ཞེས་བྱ་བའི་བར་དུ་སྔ་མ
125a7 བཞིན་ནོ། ། གཞན་ཡང་སེམས་ཅན་དམྱལ་བ་ཆེན་པོ་མནར་མེད་པར་སེམས་ཅན་གང་དག་སྐྱེས་པ་ནས། འཐོན་པར་འགྱུར་བའི་བར་དེ་དག་སེམས་ཅན་དམྱལ་བའི་སྲུངས་མ་དག་གིས་བཟུང་ནས།
iiif viewer powered by OpenSeadragon
