| e-texts navigator |
| Wylie |
122b1 སེམས་ཅན་དེ་དག་སེམས་ཅན་དམྱལ་བའི་སྲུངས་མ་རྣམས་ཀྱིས་བཟུང་ནས། དབུགས་པའི་གནོད་པ་ཆེན་པོ་བྱེད་དེ། དེའི་མིག་གི་བུ་གུ་གཉིས་ནས་ཀྱང་མེ་འབྱུང་ལ། རྣ་བ་གཉིས་དང་། སྣ་དང་། ཁའི་ནང
122b2 དང་། བ་སྤུའི་བུ་ག་ཐམས་ཅད་ནས་ཀྱང་མེ་འབྱུང་སྟེ། དེ་དག་དེ་ལྟ་བུའི་ཚུལ་གྱིས་ལོ་མང་པོ་ཞེས་བྱ་བ་ནས། ནམ་སེམས་ཅན་དམྱལ་བ་ཉམས་སུ་མྱོང་བར་འགྱུར་བའི་སྡིག་པ་མི་དགེ་བའི་ལས་དེ་གཏན
122b3 ནས་མ་བྱང་མ་ཟད་ཀྱི་བར་དུ་དེ་ལ་སོགས་པའི་གནོད་པ་མང་པོ་དག་བརྗོད་པར་བྱ་སྟེ། མི་བཟད་པ་དེ་དག་དང་། མེ་ཏོག་དེ་དག་དང་། འབྲས་བུ་དེ་དག་དང་། རྣམ་པར་སྤྲོས་པ་དེ་དག་གིས་ན། སེམས་ཅན
122b4 དམྱལ་བ་ཆེན་པོ་ཚ་བ་ཞེས་བྱ་སྟེ། དེ་ན་སྡུག་བསྔལ་ཞིང་མི་བཟད་པ་དང་། རྩུབ་ཤིང་ཚ་བ་དང་། ཡིད་དུ་མི་འོང་བའི་སྲོག་གཅོད་པར་བྱེད་པ་ལས་ཀྱི་གནོད་པ་གཞན་དང་། གཞན་མང་པོ་དག་ཀྱང་ཡོད་དེ།
122b5 འདི་སྐད་དུ། དགེ་སྦྱོང་བྲམ་ཟེ་དགེ་བ་དང་།། དེ་བཞིན་གང་ཞིག་ཕ་མ་ལ། གནོད་པ་མིན་པས་གནོད་བྱེད་པ།། དེ་ནི་ཚ་བར་རབ་ཏུ་སྲེག། ཅེས་ཀྱང་བྱའོ།། བདེ་འགྲོར་འགྲོ་བའི་ལས་དང་ནི།།
122b6 འདོད་པའི་འབྲས་བུ་འགྱུར་བ་སྤོང་།། བློ་ངན་འདོད་མིན་ལས་བྱེད་པ།། དེ་ནི་རབ་ཏུ་ཚ་བར་སྲེག། སེམས་ཅན་དམྱལ་བ་ཆེན་པོ་རབ་ཏུ་ཚ་བ་ཞེས་བྱ་བ་ལ། ཅིའི་ཕྱིར་སེམས་ཅན་དམྱལ་བ་ཆེན་པོ་རབ་ཏུ
122b7 ཚ་བ་ཞེས་བྱ་ཞེ་ན། སྨྲས་པ། སེམས་ཅན་དམྱལ་བ་ཆེན་པོ་རབ་ཏུ་ཚ་བར་སེམས་ཅན་གང་སྐྱེས་པ་ནས། འཐོན་པར་འགྱུར་བའི་བར་དུ་སྟེ། སེམས་ཅན་དེ་དག་གི་སྡིག་པ་མི་དགེ་བའི་ལས་དེའི་རྣམ
iiif viewer powered by OpenSeadragon
