| e-texts navigator |
| Wylie |
122a1 བརྡུང་བ་དེ་བཞིན་དུ། སེམས་ཅན་དམྱལ་བའི་སྲུངས་མ་དག་གིས། སེམས་ཅན་དེ་དག་ལྕགས་ཀྱི་དོང་འབར་ཞིང་རབ་ཏུ་འབར་ལ། ཀུན་ཏུ་རབ་ཏུ་འབར་ཏེ། འབར་བ་གཅིག་ཏུ་གྱུར
122a2 པའི་ནང་དུ་བསྲེགས་ནས། ལྕགས་ཀྱི་སྐམ་པས་ཕྱིར་ཕྱུང་སྟེ། ལྕགས་ཀྱི་ཏི་ཙ་ལ་བཞག་ནས། ལྕགས་ཀྱི་ཐོ་བས་བརྡུང་ཞིང་རབ་ཏུ་བརྡུང་ལ། ཀུན་ཏུ་རབ་ཏུ་བརྡུང་སྟེ། དེ་དག་དེ་ལྟ་བུའི་ཚུལ་གྱིས་ཞེས
122a3 བྱ་བ་ནས། རྒྱས་པར་བྱའོ།། གཞན་ཡང་སེམས་ཅན་དམྱལ་བ་ཆེན་པོ་ཆེ་བར་སེམས་ཅན་གང་སྐྱེས་པ་དང་། ཀུན་ཏུ་སྐྱེས་པ་ནས། འཐོན་པར་འགྱུར་བའི་བར་དུ་སྔ་མ་བཞིན་ཏེ། དེ་དག་སེམས་ཅན
122a4 དམྱལ་བའི་སྲུངས་མ་རྣམས་ཀྱིས་བཟུང་ནས། ལྕགས་ཀྱི་མདུང་རྩེ་གསུམ་པའི་སྟན་འབར་ཞིང་རབ་ཏུ་འབར་ལ། ཀུན་ཏུ་རབ་ཏུ་འབར་ཏེ། འབར་བ་གཅིག་ཏུ་གྱུར་པ་ལ་འདུག་ཏུ་བཅུག་སྟེ། རྩེ་མོ
122a5 གཅིག་གིས་ནི་དེའི་རྐུ་བ་གཡས་ལོགས་སུ་བརྟོལ་ཏེ། ཕྲག་པ་གཡས་པར་ཕྱུང་ངོ་།། རྩེ་མོ་གཉིས་པས་ནི་རྐུ་བ་གཡོན་ལོགས་སུ་བརྟོལ་ཏེ། ཕྲག་པ་གཡོན་པར་འབྱུང་ངོ་།། རྩེ་མོ་གསུམ་པས་ནི་ལྟོའི་ནང
122a6 ནས་བརྟོལ་ཏེ། སྤྱི་བོར་འབྱུང་ངོ་།། དེའི་མིག་གི་བུག་གཉིས་ནས་ཀྱང་མེ་འབྱུང་ལ། རྣ་བ་དང་། སྣ་དང་། ཁའི་ནང་དང་། བ་སྤུའི་ཁུང་བུ་ཐམས་ཅད་ནས་མེ་འབྱུང་སྟེ། དེ་དག་དེ་ལྟ་བུའི་ཚུལ
122a7 གྱིས་ལོ་མང་པོ་ཞེས་བྱ་བའི་བར་དུ་རྒྱས་པར་བྱའོ། ། གཞན་ཡང་སེམས་ཅན་དམྱལ་བ་ཆེན་པོ་ཚ་བར་སེམས་ཅན་གང་སྐྱེས་པ་དང་། ཀུན་ཏུ་སྐྱེས་པ་དང་། འཐོན་པར་འགྱུར་བའི་བར་དུ་སྔ་མ་བཞིན་ཏེ།
iiif viewer powered by OpenSeadragon
