| e-texts navigator |
| Wylie |
121b1 པོ་ཞེས་བྱ་སྟེ། དེ་ན་སྡུག་བསྔལ་ཞིང་། སྲོག་གཅོད་པར་བྱེད་པ་ལས་ཀྱི་གནོད་པ་གཞན་དང་། གཞན་མང་པོ་དག་ཀྱང་ཡོད་པའི་བར་དུ་རྒྱས་པར་བྱས་ཏེ། འདི་སྐད་དུ། དོར་སྤུ་བྱེད་པའི་མི་རྣམས་ནི།། ངུ་འབོད་ཆེན་པོར་སོང
121b2 གྱུར་ནས། ། ཚིག་ཅིང་སྤུ་ཡང་ལྡང་གྱུར་ལ།། ཁྱིམ་གྱི་ནང་དུ་སྲུང་ཞིང་སྲེག། ཅེས་ཀྱང་བྱའོ།། སྐྱེ་བོ་མང་ལ་གནོད་བྱས་ཤིང་།། ཚ་བར་འགྱུར་བའི་ལས་བྱས་པ།། བློ་ངན་ཚ་བར་སོང་ནས་ནི།། སྡུག་བསྔལ་ཚོར་བ་ཉམས་སུ་མྱོང
121b3 སེམས་ཅན་དམྱལ་བ་ཆེན་པོ་ཚ་བ་ཞེས་བྱ་བ་ལ། ཅིའི་ཕྱིར་སེམས་ཅན་དམྱལ་བ་ཆེན་པོ་ཆེ་ཞེས་བྱ་ཞེ་ན། སྨྲས་པ། སེམས་ཅན་དམྱལ་བ་ཆེན་པོ་ཚ་བར་སེམས་ཅན་གང་སྐྱེས་པ་དང་། ཀུན་ཏུ་སྐྱེས་པ་ནས། འཐོན་པར་འགྱུར་བའི་བར་དུ་སྟེ།
121b4 སེམས་ཅན་དེ་དག་གི་སྡིག་པ་མི་དགེ་བའི་ལས་དེའི་རྣམ་པར་སྨིན་པས། སེམས་ཅན་དམྱལ་བའི་སྲུངས་མ་དག་གིས། སེམས་ཅན་དེ་དག་བཟུང་ནས་ལྕགས་ཀྱི་ས་གཞི་ལ་དོང་འབར་ཞིང་རབ་ཏུ་འབར་ལ། ཀུན་ཏུ་རབ་ཏུ་འབར་ཏེ།
121b5 འབར་བ་གཅིག་ཏུ་གྱུར་པའི་ནང་དུ་རབ་ཏུ་བསྲེགས་ནས། ལྕགས་ཀྱི་སྐམ་པས་ཕྱིར་ཕྱུང་སྟེ། ལྕགས་ཀྱི་ཏི་ཙ་ལ་བཞག་ནས། ལྕགས་ཀྱི་ཐོ་བས་བརྡུང་ཞིང་རབ་ཏུ་བརྡུང་ལ། ཀུན་ཏུ་རབ་ཏུ་བརྡུངས་ཏེ། དཔེར
121b6 ན་ལྕགས་མགར་གྱིས་ལྕགས་དང་། ཚོན་མོ་སྟེང་གི་མགར་བས་ཚོན་མོ་སྟེང་དང་། ལུགས་མགར་གྱིས་ལུགས་སུ་བྱ་བ་དང་། ཞ་ཉེའི་མགར་བས་ཞ་ཉེ་དང་གསེར་མགར་གྱིས་གསེར་དང་། དངུལ
121b7 མགར་གྱིས་དངུལ་མདག་མའི་དོང་དུ་བསྲེགས་ནས། ལྕགས་ཀྱི་སྐམ་པས་ཕྱུང་སྟེ། ལྕགས་ཀྱི་ཏི་ཙ་ལ་བཞག་ནས། ལྕགས་ཀྱི་ཐོ་བས་བརྡུང་ཞིང་རབ་ཏུ་བརྡུང་ལ། ཀུན་ཏུ་རབ་ཏུ
iiif viewer powered by OpenSeadragon
