| e-texts navigator |
| Wylie |
121a1 ཆེན་པོ་ཞེས་བྱ་བ་ལ། ཅིའི་ཕྱིར་སེམས་ཅན་དམྱལ་བ་ཆེན་པོ་ངུ་འབོད་ཆེན་པོ་ཞེས་བྱ་ཞེ་ན། སྨྲས་པ། སེམས་ཅན་དམྱལ་བ་ཆེན་པོ་ངུ་འབོད་ཆེན་པོར་སེམས་ཅན་གང་དག་སྐྱེས་པ་ནས། འཐོན་པར
121a2 འགྱུར་བའི་བར་དུ་སྟེ། སེམས་ཅན་དེ་དག་གི་སྡིག་པ་མི་དགེ་བའི་ལས་དེའི་རྣམ་པར་སྨིན་པས། ལྕགས་ཀྱི་ས་གཞི་དཔག་ཚད་མང་པོའི་བར་དུ་རྒྱས་པར་བྱའོ།། ནགས་ཐིབས་པོ་དེའི་ནང་ན་ཁྱིམ་ཡོད་དེ། དེ་ནས་སེམས་ཅན
121a3 དེ་དག་རྒྱུག་པའི་བར་དུ་རྒྱས་པར་བྱའོ། ། དེའི་ཚེ་དེ་དག་གི་འོག་དང་། སྟེང་དང་། ཕྱོགས་བཞི་ནས་མེ་བྱུང་སྟེ། སེམས་ཅན་དེ་དག་འཇིགས་པ་དང་། སྐྲག་པ་དང་། སྤུ་ལྡང་བར་བྱེད་དོ།། དེ་ནས་སེམས་ཅན་དེ་དག་འཇིགས་ཤིང
121a4 སྒྲག་ལ་ཡི་ཆད་དེ། བ་སྤུ་ལངས་ནས། ནགས་ཐིབས་པོའི་ནང་དུ་འགྲོའོ།། ནགས་ཐིབས་པོའི་ནང་དུ་ཞུགས་ནས། གང་གི་ཚེ་བརྒྱ་སྟོང་མང་པོར་ཞུགས་པར་གྱུར་པ་དེའི་ཚེ། མེ་དེས་ས་གཞི་རབ་ཏུ་འབར་བར་བྱེད་དོ།། ས་གཞི་རབ
121a5 ཏུ་འབར་བར་བྱས་ནས། ནགས་ཐིབས་པོ་རབ་ཏུ་འབར་བར་བྱེད་དོ།། ནགས་ཐིབས་པོ་རབ་ཏུ་འབར་བར་བྱས་ནས། ཁྱིམ་རབ་ཏུ་འབར་བར་བྱེད་དོ།། ཁྱིམ་རབ་ཏུ་འབར་བར་བྱས་ནས། སེམས་ཅན་དེ་དག་རབ་ཏུ་འབར་བར་བྱེད་དོ།།
121a6 དེ་ནས་སེམས་ཅན་དེ་དག་འབར་ཞིང་རབ་ཏུ་འབར་ལ། ཀུན་ཏུ་རབ་ཏུ་འབར་ཏེ། འབར་བ་གཅིག་ཏུ་གྱུར་པ་ནས། ནམ་སེམས་ཅན་དམྱལ་བ་ཉམས་སུ་མྱོང་བར་འགྱུར་བའི་སྡིག་པ་མ་དགེ་བའི་ལས་དེ་གཏན་ནས་མ་བྱངམ་ཟད
121a7 ཀྱི་བར་དུ་སྔ་མ་བཞིན་ནོ། ། དེ་ལ་སོགས་པའི་གནོད་པའི་ལས་རྣམས་བརྗོད་པར་བྱ་སྟེ། མི་བཟད་པ་དེ་དག་དང་། མེ་ཏོག་དེ་དག་དང་། འབྲས་བུ་དེ་དག་དང་། རྣམ་པར་སྤྲོས་པ་དེ་དག་གིས་ན། སེམས་ཅན་དམྱལ་བ་ཆེན་པོ་དུ་འབོད་ཆེན
iiif viewer powered by OpenSeadragon
