| e-texts navigator |
| Wylie |
120b1 འཇིགས་པ་དང་། སྐྲག་པ་དང་། ཡི་ཆད་དེ། སྤུ་ལྡང་བར་བྱེད་དོ།། དེ་ནས་སེམས་ཅན་དེ་དག་འཇིགས་ཤིང་སྐྲག་ལ། ཡི་ཆད་དེ། བ་སྤུ་ལངས་པར་གྱུར་ནས། ནགས་ཐིབས་པོའི་ནང་དུ་འགྲོའོ།། གང་གི
120b2 ཚེ་བརྒྱ་ཕྲག་མང་པོ་ནས། དེ་དག་ནུས་པར་གྱུར་པའི་བར་དུ་སྟེ། དེའི་ཚེ་མེ་དེས་ས་གཞི་རབ་ཏུ་འབར་བར་བྱེད་དེ། ས་གཞི་རབ་ཏུ་འབར་བར་བྱས་ནས་ནགས་ཐིབས་པོ་རབ་ཏུ་འབར་བར་བྱེད་དོ།། ནགས
120b3 ཐིབས་པོ་རབ་ཏུ་འབར་བར་བྱས་ནས། སེམས་ཅན་དེ་དག་རབ་ཏུ་འབར་བར་བྱེད་དོ།། དེ་དག་དེར་འབར་ཞིང་རབ་ཏུ་འབར་ལ། ཀུན་ཏུ་རབ་ཏུ་འབར་ཏེ། འབར་བ་གཅིག་ཏུ་གྱུར་ནས། ཅི་སྟེ་ཤར་ཕྱོགས་སུ
120b4 བརྒྱུགས་ན་ཡང་མེ་འབའ་ཞིག་མཐོང་བ་ན། དེ་དག་དེ་ལྟ་བུའི་ཚུལ་གྱིས་མ་བྱང་མ་ཟད་ཀྱི་བར་དུ་སྔ་མ་བཞིན་ཏེ། མི་བཟད་པ་དེ་དག་དང་། མེ་ཏོག་དེ་དག་དང་། འབྲས་བུ་དེ་དག་དང་། རྣམ་པར་སྤྲོས་པ
120b5 ངག་གིས་ན། སེམས་ཅན་དམྱལ་བ་ཆེན་པོ་ངུ་འབོད་ཆུང་ངུ་ཞེས་བྱ་སྟེ། དེ་ན་སྡུག་བསྔལ་ཞིང་མི་བཟང་ལ་རྩུབ་ཅིང་ཚ་བ་དང་། ཡིད་དུ་མི་འོང་བ་སྲོག་གཅོད་པར་བྱེད་པ་ལས་ཀྱི་གནོད་པ་གཞན་དང་། གཞན
120b6 མང་པོ་དག་ཀྱང་ཡོད་དེ། འདི་སྐད་དུ། མི་རྣམས་བརླང་འདེབས་རྒྱུ་བྱེད་པའི།། སྐྱེ་བོ་དག་ནི་བསྡུས་ནས་ཀྱང་།། ངུ་འབོང་དུ་ནི་རབ་བསྒྲགས་ཅིང་།། འཇིགས་པའི་ང་རོ་ཚེ་ངེས་འདེབས།། ཞེས་ཀྱང་བྱའོ།།
120b7 ལྟ་བའི་ཐིབས་པོས་ཁེབས་པ་དང་།། སྲེད་པའི་བཅིང་བས་བཅིངས་པ་དང་།། དམའ་བའི་ལས་ཀྱི་ཀུན་སྤྱོད་པ།། ངུ་འབོད་ཆེན་པོར་སྐྱེ་བར་འགྱུར།། སེམས་ཅན་དམྱལ་བ་ཆེན་པོ་ངུ་འབོད
iiif viewer powered by OpenSeadragon
