| e-texts navigator |
| Wylie |
120a1 དང་རི། ། དེ་ནས་རི་སུལ་ནགས་ཚལ་རྣམས།། བསྡུས་གཞོམ་ན་ནི་གནོད་པ་བརྒྱད།། དེ་ལ་སོགས་པའི་གནོད་པ་མང་པོ་བརྗོད་པར་བྱ་སྟེ། མི་བཟད་པ་དེ་དག་དང་། མེ་ཏོག་དེ་དག་དང་།།
120a2 འབྲས་བུ་དེ་དག་དང་། རྣམ་པར་སྤྲོས་པ་དེ་དག་གིས་ན། སེམས་ཅན་དམྱལ་བ་བསྡུས་གཞོམ་ཞེས་བྱ་སྟེ། དེ་ན་སྡུག་བསྔལ་ཞིང་མི་བཟད་ལ་རྩུབ་ཅིང་ཚ་བ་དང་། ཡིད་དུ་མི་འོང་བ་སྲོག་གཅོད་པར་བྱེད་པ
120a3 ལས་ཀྱི་གནོད་པ་གཞན་དང་། གཞན་མང་པོ་དག་ཀྱང་ཡོད་དོ།། སྲོག་གཅོད་པ་ཡི་སེམས་ཅན་རྣམས།། བརླང་ཞིང་ཁྲག་ནི་འཐུང་བ་དང་།། ངན་པའི་ལས་ནི་ཀུན་སྤྱོད་པ།། ངུ་འབོད
120a4 ཆུང་ངུར་འགྲོ་བར་འགྱུར། ། སེམས་ཅན་དམྱལ་བ་ཆེན་པོ་ངུ་འབོད་ཆུང་ངུ་ཞེས་བྱ་བ་ལ་ཅིའི་ཕྱིར་སེམས་ཅན་དམྱལ་བ་ཆེན་པོ་ངུ་འབོད་ཆུང་ངུ་ཞེས་བྱ་ཞེ་ན། སྨྲས་པ། སེམས་ཅན་དམྱལ་བ་ཆེན་པོ་ངུ་འབོད་ཆུང་ངུར
120a5 སེམས་ཅན་གང་དག་སྐྱེས་པ་ནས། འཐོན་པར་འགྱུར་བའི་བར་དུ་སྟེ། སེམས་ཅན་དེ་དག་གི་སྡིག་པ་མི་དགེ་བའི་ལས་དེའི་རྣམ་པར་སྨིན་པས། ལྕགས་ཀྱི་ས་གཞི་དཔག་ཚད་མང་པོའི་བར་དུ་རྒྱས་པར་བྱའོ།། །
120a6 དེའི་ནང་ན་ནགས་ཐིབས་པོ་ཡོད་དེ། དེ་ནས་སེམས་ཅན་དེ་དག་གིས་དེར་རྒྱུག་ཅིང་། དེར་རབ་ཏུ་རྒྱུག་ལ། དེར་ཀུན་ཏུ་རབ་ཏུ་རྒྱུག་སྟེ། གནས་ཚོལ་ཞིང་སྐྱབས་ཚོལ་ལ། འབྱུང་བའི་ཐབས་ཚོལ་ཏོ།། དེ་དག
120a7 དེར་ཕྱོགས་གཅིག་ཏུ་འདུའོ། ། གང་གི་ཚེ་བརྒྱ་ཕྲག་མང་པོ་ནས། འདུས་པར་གྱུར་པའི་བར་དུ་སྔ་མ་བཞིན་ཏེ། དེ་ནས་དེ་དག་གི་འོག་དང་། སྟེང་དང་། ཕྱོགས་བཞི་ནས་མེ་འབྱུང་སྟེ། སེམས་ཅན་དེ་དག
iiif viewer powered by OpenSeadragon
