| e-texts navigator |
| Wylie |
11b1 ལུས་འཕགས་པོ་རྣམས་དང་། ནུབ་ཀྱི་བ་ལང་སྤྱོད་པ་རྣམས་ལ་ཡང་ཡོད་དོ།། བྱང་གི་སྒྲ་མི་སྙན་པ་རྣམས་དང་། རྒྱལ་ཆེན་བཞི་པའི་ལྷ་རྣམས་ལ་ནི་མེད་དོ།། དེ་ཡན་ཆད་ལ་ཡང་མེད་དོ།། ཇི་ལྟར
11b2 འཛམ་བུའི་གླིང་གི་མི་རྣམས་ལ་ནི་འཇིགས་པ་དང་བདེ་བ་ཡོད་པ་བཞིན་དུ། ཤར་གྱི་ལུས་འཕགས་པོ་རྣམས་དང་། ནུབ་ཀྱི་བ་ལང་སྤྱོད་པ་རྣམས་ལ་ཡང་ཡོད་དོ།། བྱང་གི་སྒྲ་མི་སྙན་གྱི་མི་རྣམས་ལ་ནི
11b3 མེད་དོ། ། རྒྱལ་ཆེན་བཞིའི་ལྷ་རྣམས་དང་། སུམ་ཅུ་རྩ་གསུམ་པ་རྣམས་དང་། འཐབ་བྲལ་བ་རྣམས་དང་། དགའ་ལྡན་པ་རྣམས་དང་། འཕྲུལ་དགའ་བ་རྣམས་དང་། གཞན་འཕྲུལ་དབང་བྱེད་པ
11b4 རྣམས་ལ་ཡང་ཡོད་དོ། ། ཚངས་རིས་པ་རྣམས་ལ་ནི་མེད་དོ།། དེ་ཡན་ཆད་ལ་ཡང་མེད་དོ།། འཇིག་རྟེན་བཞག་པ་ལས་ཚིགས་གསུམ་པའོ།། །། སྡོམ་ལ། ཉོ་ཚེང་མདོག་དང་ཁང
11b5 པ་དང་། ། གདིང་བ་དང་ནི་བཞག་གོས་དང་།། ཡང་བ་རྡུལ་རབ་བསྒྲེ་བ་དང་།། ཐ་དད་བག་མ་ལེན་དང་བཅུ།། ཇི་ལྟར་འཛམ་བུ་གླིང་གི་མི་རྣམས་ལ། ནོར་རམ། འབྲུ་འམ། གསེར་རམ། དངུལ
11b6 གྱི་ཉོ་ཚོང་བྱ་བ་ཡོད་པ་བཞིན་དུ། ཤར་གྱི་ལུས་འཕགས་པོ་རྣམས་དང་། ནུབ་ཀྱི་བ་ལང་སྤྱོད་པ་རྣམས་ལ་ཡང་ཡོད་དོ།། བྱང་གི་སྒྲ་མ་སྙན་གྱི་མི་དང་། རྒྱལ་ཆེན་བཞིའི་ལྷ་རྣམས་ལ་ནི་མེད
11b7 དོ། ། དེ་ཡན་ཆད་ལ་ཡང་མེད་དོ།། འདི་སྐད་དུ་འཛམ་བུའི་གླིང་གི་མི་རྣམས་ལ་ནི། ནོར་དང་འབྲུ་རྣམས་ཀྱིས་ཉོ་ཚོང་བྱེད་དོ།། ཤར་གྱི་ལུས་འཕགས་པོ་རྣམས་ལ་ནི་རས་དང་བེའུ་རས་རྣམས་ཀྱིས་སོ།།
iiif viewer powered by OpenSeadragon
