| e-texts navigator |
| Wylie |
119a1 བར་དུ་སྔ་མ་བཞིན་ཏེ། སེམས་ཅན་དེ་དག་གི་སྡིག་པ་མི་དགེ་བའི་ལས་དེའི་རྣམ་པར་སྨིན་པས། རིའི་སུལ་ཆེན་པོ་དག་དཔག་ཚད་མང་པོ་དང་། དཔག་ཚད་བརྒྱ་ཕྲག་མང་པོའི་བར
119a2 དུ་སྔ་མ་བཞིན་ནོ། ། དེ་ནས་སེམས་ཅན་དེ་དག་དེར་རྒྱུག་ཅིང་དེར་རབ་ཏུ་རྒྱུག་པ་ནས། འབྱུང་བའི་ཐབས་ཚོལ་བའི་བར་དུ་སྔ་མ་བཞིན་ནོ།། དེ་དག་དེར་ཞུགས་པ་ནས། བརྒྱ་ཕྲག་མང་པོའི་ནང་དུ་ཞུགས
119a3 པའི་བར་དུ་སྟེ། དེའི་ཚེ་རི་ཡུལ་དེ་དག་ཕྱིར་གྱེད་དེ། སེམས་ཅན་དེ་དག་འཇིགས་པ་དང་། སྤངས་པ་དང་། སྤུ་ལྡང་བར་བྱེད་དོ།། དེ་ནས་སེམས་ཅན་དེ་དག་འཇིགས་ཤིང་སྐྲག་ལ་ཡི་ཆེད་དེ།
119a4 སྤུ་ལངས་ནས་ཕྱོགས་གཅིག་ཏུ་འདུའོ།། གང་གི་ཚེ་བརྒྱ་ཕྲག་མང་པོ་དང་། སྟོང་ཕྲག་མང་པོ་དང་། བརྒྱ་སྟོང་ཕྲག་མང་པོ་དག་འདུས་པར་གྱུར་པ་དེའི་ཚེ། རྀ་དེ་དག་ཕྱོགས་གཉིས་ཀ་ནས་འདུས་ཏེ།
119a5 སེམས་ཅན་དེ་དག་བཅོམ་ཞིང་རབ་ཏུ་བཙེམ་ལ། ཀུན་ཏུ་རབ་ཏུ་བཙེམ་མོ།། བཅོམ་ཞིང་རབ་ཏུ་བཅོམ་ལ། ཀུན་ཏུ་རབ་ཏུ་བཙེམས་ནས། གང་གི་ཚེ་བསད་དེ་ཤི་བར་གྱུར་པ་དེའི་ཚེ་ཕྱིར་འགྱེད་དོ།།
119a6 དེ་དག་དེ་ལྟ་བུའི་ཚུལ་གྱིས་ལོ་མང་པོའི་བར་དུ་རྒྱས་པར་བྱའོ།། གཞན་ཡང་སེམས་ཅན་དམྱལ་བ་ཆེན་པོ་བསྡུས་གཞོམ་དུ་སེམས་ཅན་གང་སྐྱེས་པ་དང་། འཐོན་པར་འགྱུར་བའི་བར་དུ་སྟེ
119a7 སེམས་ཅན་དེ་དག་གི་སྡིག་པ་མི་དགེ་བའི་ལས་དེའི་རྣམ་པར་སྨིན་པས། ལྕགས་ཀྱི་ས་གཞི་དེའི་ནང་ནགས་ཚལ་དཔག་ཚད་མང་པོ་ནས། སྔ་མ་བཞིན་ནོ།། དེ་ནས་སེམས་ཅན་དེ་དག་དེར་རྒྱུག་ཅིང་དེར་རབ་ཏུ་རྒྱུག་ལ
iiif viewer powered by OpenSeadragon
