| e-texts navigator |
| Wylie |
118b1 དུ་མི་འོང་བའི་ཚོར་བ་དག་མྱོང་བར་འགྱུར་ཏེ། དེ་དག་ནམ་སེམས་ཅན་དམྱལ་བ་ཉམས་སུ་མྱོང་བར་འགྱུར་བའི་སྡིག་པ་མི་དགེ་བའི་ལས་དེ་གཏན་མ་བྱང་མ་ཟད་ཀྱི་བར་དུ་རེ་ཞིག་དུས་བྱེད་པར་མི་འགྱུར་རོ།། གཞན
118b2 ཡང་སེམས་ཅན་དམྱལ་བ་ཆེན་པོ་བསྡུས་གཞོམ་དུ་སེམས་ཅན་གང་སྐྱེས་པ་དང་། ཀུན་ཏུ་སྐྱེས་པ་དང་། བྱུང་བ་དང་། ཀུན་ཏུ་བྱུང་བ་ནས། འཐོན་པར་འགྱུར་བའི་བར་དུ་སྟེ། སེམས་ཅན་དེ་དག་གི་སྡིག
118b3 པ་མི་དགེ་བའི་ལས་དེའི་རྣམ་པར་སྨིན་པས། རི་ཆེན་པོ་རྒྱ་ཆེ་བ་དཔག་ཚད་མང་པོ་དང་། དཔག་ཚད་བརྒྱ་ཕྲག་མང་པོ་དང་། དཔག་ཚད་སྟོང་ཕྲག་མང་པོ་དང་། དཔག་ཚད་བརྒྱ་སྟོང་ཕྲག་མང་པོ་ཡོད་དེ།
118b4 སྟེང་གི་ངོས་ནི་མཉམ་ཞིང་སྡུག་ལ། འོག་ན་ནི་ཁྲག་འབྱིན་པར་བྱེད་པའི་ལྕགས་ཡོད་དོ།། དེ་ནས་སེམས་ཅན་དེ་དག་དེར་རྒྱུག་ཅིང་དེར་རབ་ཏུ་རྒྱུག་པ། དེར་ཀུན་ཏུ་རབ་ཏུ་རྒྱུག་སྟེ། གནས་ཚོལ་ཞིང
118b5 སྐྱབས་ཚོལ་ལ། འབྱུང་བའི་ཐབས་ཚོལ་ཞིང་དེ་དག་དེའི་ཕྱོགས་གཅིག་ཏུ་འདུག་སྟེ། གང་གི་ཚེ་བརྒྱ་ཕྲག་མང་པོ་ཞེས་བྱ་བ་ནས། རྒྱས་པར་བྱ་སྟེ། དེའི་ཚེ་རི་དེ་སེམས་ཅན་དེ་དག་གི་སྟེང་དུ་ལྷུང་སྟེ
118b6 སེམས་ཅན་དེ་དག་གླེམས་ཤིང་རབ་ཏུ་གླེམ་ལ། ཀུན་ཏུ་རབ་ཏུ་གླེམ་མོ།། གླེམ་ཞིང་རབ་ཏུ་གླེམ་ལ། ཀུན་ཏུ་རབ་ཏུ་གླེམས་ནས། གང་གི་ཚེ་བསད་དེ་ཤི་བར་གྱུར་པ་དེའི་ཚེ་སྟེང་དུ་མི་སྣང་བར་གྱུར་ཏོ།། དེ
118b7 དག་དེ་ལྟ་བུའི་ཚུལ་གྱིས་ལོ་མང་པོ་དང་། ལོ་བརྒྱ་ཕྲག་མང་པོ་ཞེས་བྱ་བ་ནས། རྒྱས་པར་བྱའོ།། གཞན་ཡང་སེམས་ཅན་དམྱལ་བ་ཆེན་པོ་བསྡུས་གཞོམ་དུ་སེམས་ཅན་གང་སྐྱེས་པ་དང་། ཀུན་ཏུ་སྐྱེས་པའི
iiif viewer powered by OpenSeadragon
