| e-texts navigator |
| Wylie |
116b1 བམ་པོ་བརྒྱད་པ་སྟེ་ཐ་མའོ།། བར་སྡོམ་ལ། རལ་གྲི་ཤང་ལང་ཆུ་གྲི་དང་།། སེན་མོ་མདུང་ཐུང་ཐོ་བ་རྣམས།། སྟེའུ་སྟ་རེ་སོག་ལེ་དང་།། རྒྱུད་བཞི་དག་ནི་ཐིག་ནག་གི། སྡིག་པ
116b2 རྣམ་གསུམ་བྱས་པ་དང་། ། དགེ་བ་རྣམ་གསུམ་མ་བྱས་པའི།། བློ་ངན་བསྡུས་གཞོམ་སོང་ནས་ནི།། སྡུག་བསྔལ་ཚོར་བ་མྱོང་བར་འགྱུར།། སེམས་ཅན་དམྱལ་བ་ཆེན་པོ་བསྡུས་གཞོམ་ཞེས་བྱ་བ་ལ
116b3 ཅིའི་ཕྱིར་སེམས་ཅན་དམྱལ་བ་བསྡུས་གཞོམ་ཞེས་བྱ་ཞེ་ན། སྨྲས་པ། སེམས་ཅན་དམྱལ་བ་ཆེན་པོ་བསྡུས་གཞོམ་དུ་སེམས་ཅན་གང་སྐྱེས་པ་དང་། ཀུན་ཏུ་སྐྱེས་པ་དང་། བྱུང་བ་དང་། ཀུན་ཏུ
116b4 བྱུང་བ་དང་། ཕྱིན་པ་དང་། མངོན་པར་གྲུབ་པ་དང་། འཐོན་པར་གྱུར་པའི་སེམས་ཅན་དེ་དག་གི་སྡིག་པ་མི་དགེ་བའི་ལས་དེའི་རྣམ་པར་སྨིན་པས། ལྕགས་ཀྱི་ས་གཞི་དཔག་ཚད་མང་པོ་དང་།
116b5 དཔག་ཚད་བརྒྱ་ཕྲག་མང་པོ་དང་། དཔག་ཚད་སྟོང་ཕྲག་མང་པོ་དང་། དཔག་ཚད་བརྒྱ་སྟོང་ཕྲག་མང་པོ་ཡོད་པར་འབྱུང་ངོ་།། དེ་ནས་སེམས་ཅན་དེ་དག་གནས་ཚོལ་ཞིང་སྐྱབས་ཚོལ་ལ། འབྱུང་བའི
116b6 ཐབས་ཚོལ་ཏེ། དེར་རྒྱུག་ཅིང་དེར་རབ་ཏུ་རྒྱུག་ལ། དེར་ཀུན་ཏུ་རབ་ཏུ་རྒྱུག་སྟེ། དེ་དག་དེར་ཕྱོགས་གཅིག་ཏུ་འདུའོ།། གང་གི་ཚེ་བརྒྱ་ཕྲག་མང་པོ་དང་། སྟོང་ཕྲག་མང་པོ་དང་། བརྒྱ་སྟོང
116b7 ཕྲག་མང་པོ་འདུས་པར་གྱུར་པ་དེའི་ཚེ། དེ་དག་འཁོད་པའི་སྟེང་དུ་ལྕགས་ཀྱི་དྲ་བ་འབྱུང་བར་འགྱུར་ཏེ། སེམས་ཅན་དེ་དག་འགེབས་ཤིང་རབ་ཏུ་འགེབས་ལ། ཀུན་ཏུ་རབ་ཏུ་འགེབས་སོ།། བཀའ
iiif viewer powered by OpenSeadragon
