| e-texts navigator |
| Wylie |
111a1 བཅུ་དྲུག་ཡོད། ། ཆ་བཞི་དང་ནི་སྒོ་བཞིར་ལྡན།། ཚ་བའི་ནང་ནི་རྣམ་པར་ཕྱེ།། ལྕགས་ཀྱི་རབས་ཀུན་ནས་བསྐོར།། ལྕགས་ཀྱིས་ས་ནི་ཤིན་ཏུ་ཁེབས།། ལྕགས་ཀྱི་ས་གཞི་རབ
111a2 ཚ་བ། འབར་ཞིང་གཟི་བརྗིད་ལྡན་པ་སྟེ།། དཔག་ཚད་བརྒྱ་ཕྲག་དུ་མར་ཡང་།། མེ་ལྕེ་དག་གིས་མཆེད་པར་གནས།། འཇུངས་པ་འདུལ་བ་དྲག་པོ་སྟེ།། མེ་ལྕེར་ལྡན་ཞིང་བསྙེན་པར་དཀའ།། དེ་དག
111a3 བ་སྤུ་སློང་བའི་གཟུགས། ། འཇིགས་ཤིང་འཇིགས་བྱེད་སྡུག་བསྔལ་བ།། དྲང་སྲོང་དག་དང་སྡོམ་ཅན་དང་།། དཀའ་ཐུབ་ཅན་ལ་ཁ་ཟེར་བ།། རྐང་པ་མཐོ་ཞིང་སྤྱིའུ་ཚུགས་སུ།། དམྱལ་བ་དེར་ནི་ལྟུང
111a4 བར་འགྱུར། ། དབང་པོ་ཉམས་པ་དེ་དག་འཚེད།། ཉ་ནི་སྐམ་ལ་བོར་བ་བཞིན།། དེ་ལྟར་ཉེས་བྱས་ལས་བྱེད་པ།། ཉིན་དང་མཚན་དུ་ཆོ་ངེས་འདེབས།། དེ་ནི་སྒྲ་ཆེན་རབ་ཏུ་སྒྲོགས།། འཕང་མདུང་གིས
111a5 ཕོག་གླང་ཆེན་བཞིན། ། ལུས་ཀྱི་ཉེས་པ་སྤྱད་བྱས་ཤིང་།། ངག་གི་ཉེས་པ་སྤྱོད་རྣམས་དང་།། ཡིད་ཀྱི་ཉེས་པ་སྤྱད་བྱས་ནས།། སེམས་ཅན་དམྱལ་བ་རྣམས་སུ་སྐྱེ།། ཞེས་གསུངས་སོ།། སེམས་ཅན
111a6 དམྱལ་བ་ཆེན་པོ་ཡང་སོས་ཞེས་བྱ་བ་ལ་ཅིའི་ཕྱིར་སེམས་ཅན་དམྱལ་བ་ཆེན་པོ་ཡང་སོས་ཞེས་བྱ་ཞེ་ན། སྨྲས་པ། སེམས་ཅན་དམྱལ་བ་ཆེན་པོ་ཡང་སོས་སུ་སེམས་ཅན་གང་སྐྱེས་པ་དང་། ཀུན་ཏུ་སྐྱེས་པ་དང་།
111a7 བྱུང་བ་དང་། ཀུན་ཏུ་བྱུང་བ་དང་། ཕྱིན་པ་དང་། མངོན་པར་གྲུབ་པ་དང་། འཐོན་པར་འགྱུར་བའི་སེམས་ཅན་དེ་དག་གི་སྡིག་པ་མི་དགེ་བའི་ལས་དེའི་རྣམ་པར་སྨིན་པས། ལྕགས་ཀྱི་རལ་གྲི་རྣོ་ཞིང
iiif viewer powered by OpenSeadragon
