| e-texts navigator |
| Wylie |
110b1 དག་བྱས་པ་དང་། དགེ་བ་དག་བྱས་པ་དང་། འཇིགས་པ་དང་། སྐྲག་པ་རྣམས་ཀྱི་སྐྱབས་བྱས་ཤིང་སྡིག་པའི་ལས་རྣམས་མ་བྱས་པ་དང་། བརླང་པོ་རྣམས་མ་བྱས་པ་དང་། གདུག་པ་རྣམས་མ་བྱས
110b2 པའི་འགྲོ་བ་གང་ཡིན་པའི་འགྲོ་བ་དེ་དག་ཏུ་ཚེ་ཕྱི་མ་ལ་འགྲོ་བར་འགྱུར་རོ་སྙམ་དུ་སེམས་ཏེ། འགྱོད་པ་མེད་པར་འགྱུར་རོ།། དགེ་སློང་དག་འགྱོད་པ་མེད་པར་འཆི་བ་ནི་ལེགས་སོ།། དུས་བྱེད་པ་ནི་ལེགས
110b3 སོ། ། ཚེ་ཕྱི་མ་ནི་ལེགས་ཏེ། དེ་ལུས་ཀྱི་ལེགས་པར་སྤྱོད་པ་སྤྱད་ཅིང་། ངག་དང་། ཡིད་ཀྱི་ལེགས་པར་སྤྱོད་པ་སྤྱད་ནས། དེའི་རྒྱུ་དང་དེའི་རྐྱེན་གྱིས་ལུས་དང་བྲལ་ཏེ། ཤི་བའི་འོག་ཏུ་བདེ
110b4 འགྲོ་མཐོ་རིས་ཀྱི་འཇིག་རྟེན་ལྷ་རྣམས་ཀྱི་ནང་ན་སྐྱེ་བར་འགྱུར་ཏེ། འདི་ནི་གནོད་པར་འགྱུར་བ་མ་ཡིན་པའི་ཆོས་རྣམས་ཞེས་བྱའོ།། དགེ་སློང་དག་གནོད་པར་འགྱུར་བ་མ་ཡིན་པའི་ཆོས་རྣམས་བཤད་པར
110b5 བྱའོ་ཞེས་ངས་སྨྲས་པ་གང་ཡིན་པ་དེ་བཤད་པ་འདི་ཡིན་ནོ། ། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ཏེ། བདེ་བར་གཤེགས་པས་དེ་སྐད་ཅེས་གསུངས་ནས། གཞན་ཡང་སྟོན་པས་འདི་སྐད་དུ།
110b6 མི་རིགས་འཚོ་བའི་མི་རྣམས་ཀྱིས།། འདིར་ནི་གནོད་འགྱུར་རྣམས་བྱས་པའི།། འགྲོ་བ་ཕྱི་མ་གང་ཡིན་པ།། དམྱལ་འགྲོ་དེ་དག་ང་ལས་ཉོན།། ཡང་སོས་དང་ནི་ཐིག་ནག་དང་།། བསྡུས་གཞོམ་དང་ནི་ངུ་འབོད།
110b7 གཉིས།། གཞན་ཡང་མནར་མེད་ཆེན་པོ་དང་།། ཚ་བ་དང་ནི་རབ་ཏུ་ཚ།། དམྱལ་བ་བརྒྱད་པོ་འདི་དག་ནི།། ཐར་པར་དཀའ་བ་བསྟན་པ་སྟེ།། བརླང་བའི་ལས་བྱས་རྣམས་ཀྱི་གང་།། རེ་རེའི་འཁོར་ནི
iiif viewer powered by OpenSeadragon
