| e-texts navigator |
| Wylie |
10b1 འཐབ་བྲལ་ཉིད་ཐོབ་པ་འདི་མཆོག་ཡིན་ནོ། ། དགའ་ལྡན་མྱོང་བར་འགྱུར་བའི་ལས་རྣམས་ཀྱི་ནང་ན་ནི་ལས་གང་གི་རྣམ་པར་སྨིན་པས་དགའ་ལྡན་གྱིས་ཡོངས་སུ་དགའ་ལྡན་ཉིད་ཐོབ་པ་འདི་མཆོག
10b2 ཡིན་ནོ། ། འཕྲུལ་དགའ་ཐོབ་པའི་ལས་རྣམས་ཀྱི་ནང་ན་ནི་ལས་གང་གི་རྣམ་པར་སྨིན་པས། རབ་སྤྲུལ་གྱིས་རབ་སྤྲུལ་ཉིད་ཐོབ་པར་འགྱུར་བ་འདི་ནི་མཆོག་ཡིན་ནོ།། གཞན་འཕྲུལ་དབང་བྱེད
10b3 མྱོང་བར་འགྱུར་བའི་ལས་རྣམས་ཀྱི་ནང་ན་ནི་ལས་གང་གི་རྣམ་པར་སྨིན་པས། དབང་བྱེད་ཀྱིས་དབང་བྱེད་མྱོང་བར་འགྱུར་བ་འདི་ནི་མཆོག་ཡིན་ནོ།། ཇི་ལྟར་འཛམ་བུ་གླིང་གི་མི་རྣམས་ལ་བཀྲེས་པ
10b4 དང་སྐོམ་པ་ཡོད་པ་དེ་བཞིན་དུ། ཤར་གྱི་ལུས་འཕགས་པོ་རྣམས་དང་། ནུབ་ཀྱི་བ་ལང་སྤྱོད་རྣམས་དང་། བྱང་གི་སྒྲ་མི་སྙན་པ་རྣམས་དང་། རྒྱལ་ཆེན་བཞི་པ་རྣམས་དང་། སུམ་ཅུ་རྩ
10b5 གསུམ་པ་རྣམས་དང་། འཐབ་བྲལ་བ་རྣམས་དང་། དགའ་ལྡན་པ་རྣམས་དང་། འཕྲུལ་དགའ་བ་རྣམས་དང་། གཞན་འཕྲུལ་དབང་བྱེད་པ་རྣམས་ལ་ཡང་ཡོད་དོ།། དེ་ཡན་ཆད་ལ་ན
10b6 བཀྲེས་པ་དང་སྐོམ་པ་མེད་དོ། ། ཇི་ལྟར་འཛམ་བུ་གླིང་གི་མི་རྣམས་ལ་ཁ་ཟས་འདི་ལྟ་སྟེ། འབྲས་ཆན་དང་། ཟན་དང་། ཕྱེ་དང་། ཤ་དང་། འཁུར་བ་རྣམས་ཡོད་པ་བཞིན་དུ། ཤར་གྱི་ལུས
10b7 འཕགས་པོ་དང་ནུབ་ཀྱི་བ་ལང་སྤྱོད་པ་ལ་ཡང་ཡོད་དོ། ། བྱང་གི་སྒྲ་མི་སྙན་གྱི་མི་རྣམས་ནི་མ་རྨོས་མ་བཏབ་པའི་འབྲས་སཱ་ལུའི་འབྲུ་ཟའོ།། རྒྱལ་ཆེན་བཞིའི་རིས་ཀྱི་ལྷ་རྣམས་ནི་དྲིའི་ཟས་དང
iiif viewer powered by OpenSeadragon
