| e-texts navigator |
| Wylie |
10a1 དང་མཛའ་མི་དབྱེ། ། དེ་བཞིན་ཡིད་དུ་འོང་བ་ཐོས།། ཉན་པའི་ཚིག་ཏུ་འགྱུར་བ་སྟེ།། ཡིག་བཞི་ནི་བརྗོད་པ་ཡིན།། སེམས་ཅན་དམྱལ་བ་མྱོང་བར་འགྱུར་བའི་ལས་རྣམས་ཀྱི་ནང
10a2 ན་ནི་ལས་གང་གི་རྣམ་པར་སྨིན་པས། མནར་མེད་པའི་སེམས་ཅན་དམྱལ་བ་ཆེན་པོར་ཚེའི་ཚད་བསྐལ་པར་ལེན་པ་འདི་མཆོག་ཡིན་ནོ།། དུད་འགྲོ་མྱོང་བར་འགྱུར་བའི་ལས་རྣམས་ཀྱི་ནང་ན་ནི་ལས་ཀྱི་རྣམ
10a3 པར་སྨིན་པས། ས་སྲུངས་ཀྱི་བུས་ས་སྲུངས་ཀྱི་བུ་ཉིད་དང་། རབ་ཏུ་བརྟན་པས་རབ་ཏུ་བརྟན་པ་ཉིད་ཐོབ་པ་འདི་མཆོག་ཡིན་ནོ།། ཡི་དགས་ཀྱི་སྐྱེ་གནས་སུ་སྐྱེ་བར་འགྱུར་བའི་ལས་རྣམས་ཀྱི་ནང་ན་ནི
10a4 ལས་གང་གི་རྣམ་པར་སྨིན་པས། རྒྱལ་པོ་གཤིན་རྗེ་གཤིན་རྗེའི་འཇིག་རྟེན་གྱི་སེམས་ཅན་རྣམས་ཀྱི་རྒྱལ་སྲིད་ཀྱི་དབང་ཕྱུག་ལ་དབང་བྱེད་པ་འདི་མཆོག་ཡིན་ནོ།། མིའི་སྐྱེ་གནས་མྱོང་བར་འགྱུར
10a5 བའི་ལས་རྣམས་ཀྱི་ནང་ན་ནི་ལས་གང་གི་རྣམ་པར་སྨིན་པས། ང་ལས་ནུ་ང་ལས་ནུ་ཉིད་ཐོབ་པ་འདི་མཆོག་ཡིན་ནོ།། རྒྱལ་ཆེན་བཞིའི་རིས་མྱོང་བར་འགྱུར་བའི་ལས་རྣམས་ཀྱི་ནང་ན་ནི་ལས
10a6 གང་གི་རྣམ་པར་སྨིན་པས། རྒྱལ་པོ་ཆེན་པོ་བཞི་རྣམས་རྒྱལ་སྲིད་ཀྱི་དབང་ཕྱུག་ལ་དབང་བྱེད་པ་འདི་མཆོག་ཡིན་ནོ།། སུམ་ཅུ་རྩ་གསུམ་པ་མྱོང་བར་འགྱུར་བའི་ལས་རྣམས་ཀྱི་ནང་ན་ནི་ལས་གང་གི
10a7 རྣམ་པར་སྨིན་པས། བརྒྱ་བྱིན་གྱིས་བརྒྱ་བྱིན་ཉིད་ཐོབ་པ་འདི་མཆོག་ཡིན་ནོ།། འཐབ་བྲལ་མྱོང་བར་འགྱུར་བའི་ལས་རྣམས་ཀྱི་ནང་ན་ནི་ལས་གང་གི་རྣམ་པར་སྨིན་པས། རབ་འཐབ་བྲལ་གྱིས་རབ
iiif viewer powered by OpenSeadragon
