| e-texts navigator |
| Wylie |
109b1 དམིགས་ལ་མངོན་པར་དམིགས་པར་འགྱུར་ཏེ། དཔེར་ན་ཕྱེ་མ་རེད་ཀྱི་དུས་སུ་རི་ཆེན་པོ་རྣམས་སམ། རིའི་རྩེ་མོ་རྣམས་ཀྱི་གྲིབ་མ་ཤོང་དུ་འབབ་ཅིང་ཆེར་འབབ་སྟེ། མངོན་པར་འབབ་པར་འགྱུར་བ་དེ་བཞིན་དུ
109b2 དེ་ལ་སྔོན་གྱི་ལུས་ཀྱི་ཉེས་པར་སྤྱོད་པ་འམ། ངག་གི་ཉེས་པར་སྤྱོད་པ་དང་། ཡིད་ཀྱི་ཉེས་པར་སྤྱོད་པ་ཡང་རུང་སྟེ། གང་བྱུང་བ་དེའི་ཚེ་དེ་ལ་དམིགས་པར་འགྱུར་ཞིང་། ཆེར་དམིགས་ལ་མངོན་པར་དམིགས
109b3 པར་འགྱུར་ཏེ། དེ་འདི་སྙམ་དུ་ཀྱི་ཧུད་བདག་གི་སྡིག་པ་འདི་ལྟ་སྟེ། ལུས་དང་། ངག་དང་། ཡིད་ཀྱིས་བྱས་སོ།། ཀྱི་ཧུད་བདག་གིས་བསོད་ནམས་འདི་ལྟ་སྟེ། ལུས་དང་། ངག་དང་། ཡིད་ཀྱིས་མ
109b4 བྱས་སོ། ། སྡིག་པ་རྣམས་བྱས་པ་དང་། བརླང་པོ་རྣམས་བྱས་པ་དང་། གདུག་པ་རྣམས་བྱས་པ་དང་། བསོད་ནམས་དག་མ་བྱས་པ་དང་། དགེ་བ་དག་མ་བྱས་པ་དང་། འཇིགས་པ་དང་སྐྲག་པ་རྣམས་ཀྱི
109b5 སྐྱབས་མ་བྱས་པ་རྣམས་ཀྱི་འགྲོ་བ་གང་ཡིན་པའི་འགྲོ་བ་དེ་དག་ཏུ་ཚེ་ཕྱི་མ་ལ་བགྲོད་དགོས་སོ་སྙམ་དུ་སེམས་ཏེ་འགྱོད་པར་འགྱུར་རོ། ། དགེ་སློང་དག་འགྱོད་བཞིན་དུ་འཆི་བ་ནི་ལེགས་པ་མ་ཡིན་ནོ།། དུས་བྱེད
109b6 པ་ནི་ལེགས་པ་མ་ཡིན་ནོ། ། ཚེ་ཕྱི་མ་ནི་ལེགས་པ་མ་ཡིན་ནོ།། དེ་ལུས་ཀྱི་ཉེས་པར་སྤྱོད་པ་སྤྱད་ཅིང་། ངག་དང་། ཡིད་ཀྱི་ཉེས་པར་སྤྱོད་པ་སྤྱད་པ་ལས། དེའི་རྒྱུ་དང་དེའི་རྐྱེན་གྱིས་ལུས་དང་བྲལ་ཏེ།
109b7 ཤི་བའི་འོག་ཏུ་ངན་སོང་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་རྣམས་སུ་སྐྱེ་བར་འགྱུར་ཏེ། འདི་ནི་གནོད་པར་འགྱུར་བའི་ཆོས་རྣམས་ཞེས་བྱའོ།། གནོད་པར་འགྱུར་བ་མ་ཡིན་པའི་ཆོས་རྣམས
iiif viewer powered by OpenSeadragon
