| e-texts navigator |
| Wylie |
109a1 དཔག་ཚད་ཀྱི་བཞི་ཆ་གཅིག་གོ། ། གསུམ་པ་ནི་དཔག་ཚད་གཅིག་གོ།། བཞི་པ་ནི་དཔག་ཚད་གཅིག་ལས་བཞི་ཆ་གཅིག་མེད་པའོ།། ལྔ་པ་ནི་དཔག་ཚད་ཕྱེད་དོ།། དྲུག་པ་ནི་རྒྱང་གྲགས
109a2 གཅིག་གོ། ། བདུན་པ་ནི་རྒྱང་གྲགས་བྱེད་དོ།། བརྒྱད་པ་ནི་རྒྱང་གྲགས་ཀྱི་བཞི་ཆ་གཅིག་གོ།། འཇིག་རྟེན་བཞག་པ་ལས་ཚིགས་བཅུ་གསུམ་པའོ།། ། གླེང་གཞི་ནི་མཉན་དུ
109a3 ཡོད་པ་ན་སྟེ། དེ་ནས་བཅོམ་ལྡན་འདས་ཀྱིས། དགེ་སློང་རྣམས་ལ་བཀའ་སྩལ་པ། དགེ་སློང་དག་གནོད་པར་འགྱུར་བ་དང་། གནོད་པར་འགྱུར་བ་མ་ཡིན་པའི་ཆོས་རྣམས་བཤད་ཀྱིས། དེ་ཉོན་ལ་ལེགས
109a4 པར་ཤིན་ཏུ་ཡིད་ལ་བྱོས་ཤིག་དང་ངས་བཤད་དོ། ། གནོད་པར་འགྱུར་བའི་ཆོས་རྣམས་གང་ཞེ་ན། སྐྱེས་པ་འམ། བུད་མེད་གང་ཡང་རུང་སྟེ། འཆལ་པའི་ཚུལ་ཁྲིམས་ཅན་དང་། སྡིག་པའི་ཆོས་ཅན་ལུས
109a5 ཀྱི་ཉེས་པར་སྤྱོད་པ་དང་ལྡན་པ་དང་། ངག་གི་ཉེས་པར་སྤྱོད་པ་དང་ལྡན་པ་དང་། ཡིད་ཀྱི་ཉེས་པར་སྤྱོད་པ་དང་ལྡན་པ་དེ་ནི། གང་གི་ཚེ་ནད་ཀྱིས་ཐེབས་ཤིང་སྡུག་བསྔལ་བར་གྱུར་ལ། ནད་ཚབས་ཆེན་པོས་བཏབ
109a6 ནས། ཁྲིའུ་ལ་འདུག་གམ། ཁྲི་ལ་འདུག་གམ། ས་ལ་འདུག་གམ། ཉལ་ཡང་རུང་སྟེ། ལུས་ཀྱི་ཚོར་བ་སྡུག་བསྔལ་ཞིང་མི་བཟད་ལ་རྩུབ་ཅིང་ཚ་བ་དང་། ཡིད་དུ་མི་འོང་ཞིང་སྲོག་གཅོད་པར་བྱེད་པ
109a7 རྣམས་ཀྱིས་ཐེབས་ན། དེ་ལ་སྔོན་གྱི་ལུས་ཀྱི་ཉེས་པར་སྤྱོད་པ་དང་། ངག་གི་ཉེས་པར་སྤྱོད་པ་འམ། ཡིད་ཀྱི་ཉེས་པར་སྤྱོད་པ་ཡང་རུང་སྟེ། གང་བྱུང་བ་དེ་དེའི་ཚེ། དེ་ལ་དམིགས་པར་འགྱུར་ཞིང་ཆེར
iiif viewer powered by OpenSeadragon
