| e-texts navigator |
| Wylie |
108b1 ཐུག་གོ། ། མནར་མེད་པའི་སེམས་ཅན་དམྱལ་བ་ཆེན་པོའི་སྟེང་གི་ངོས་ནི་འདི་ནས་མར་ཐུར་དུ་དཔག་ཚད་ཉི་ཁྲི་ལ་ཐུག་གོ།། དེའི་སྟེང་ནི་སེམས་ཅན་དམྱལ་བ་ཆེན་པོ་རབ་ཏུ་ཚ་བ་འདུག་གོ།། དེའི་སྟེང་ན་སེམས་ཅན་དམྱལ་བ
108b2 ཆེན་པོ་ཚ་བ་འདུག་གོ། ། དེའི་སྟེང་ན་སེམས་ཅན་དམྱལ་བ་ཆེན་པོ་ངུ་འབོད་ཆེན་པོ་འདུག་གོ།། དེའི་སྟེང་ན་སེམས་ཅན་དམྱལ་བ་ཆེན་པོ་ངུ་འབོད་འདུག་གོ།། དེའི་སྟེང་ན་སེམས་ཅན་དམྱལ་བ་ཆེན་པོ་བསྡུས་གཞོམ
108b3 འདུག་གོ། ། དེའི་སྟེང་ན་སེམས་ཅན་དམྱལ་བ་ཆེན་པོ་ཐིག་ནག་འདུག་གོ།། དེའི་སྟེང་ན་སེམས་ཅན་དམྱལ་བ་ཆེན་པོ་ཡང་སོས་འདུག་སྟེ། སེམས་ཅན་དམྱལ་བ་ཆེན་པོ་བརྒྱད་པོ་འདི་དག་ནི་མཐོ་དམན་དུ་རིམ་པས
108b4 གནས་ལ། ལྷག་པའི་འཁོར་བཅུ་དྲུག་བཅུ་དྲུག་ཡོད་དོ།། འདི་ནས་དཔག་ཚད་བཞི་ཁྲིའི་སྟེང་ན་ནི་རྒྱལ་པོ་ཆེན་པོ་བཞི་པའི་ལྷ་རྣམས་འདུག་གོ།། རྒྱལ་པོ་ཆེན་པོ་བཞི་པའི་ལྷ་རྣམས་ཡན་ཆད་ནས
108b5 དང་པོ་ཡན་ཆད་ཀྱི་ཚད་ཇི་ཙམ་པ་དེ་སྲིད་ན། སུམ་ཅུ་རྩ་གསུམ་པའི་ལྷ་རྣམས་འདུག་གོ།། དེ་བཞིན་དུ་རྒྱས་པར་བྱ་སྟེ། དང་པོ་ཡན་ཆད་ཀྱི་ཚད་ཇི་ཙམ་པ་དེ་སྲིད་ན། གྱ་ནོམ་སྣང་བའི་ལྷ་རྣམསའདུག
108b6 གོ། གྱ་ནོམ་སྣང་བའི་ལྷ་རྣམས་ཡན་ཆད་ནས། དང་པོ་ཡན་ཆད་ཀྱི་ཚད་ནི་ཇི་ཙམ་པ་དེ་སྲིད་ན། ཤིན་ཏུ་མཐོང་བའི་ལྷ་རྣམས་འདུག་གོ།། ཤིན་ཏུ་མཐོང་བའི་ལྷ་རྣམས་ཡན་ཆད་ནས། དང་པོ་ཡན་ཆད་ཀྱི་ཇི
108b7 ཙམ་པ་དེ་སིང་ན་འོག་མིན་གྱི་ལྷ་རྣམས་འཇུག་གོ། ། སྤྲིན་ནི་བརྒྱད་ཡོད་དེ། སྤྲིན་ནང་གི་མཐོན་པོ་གང་ཡིན་པ་དེའི་འཕང་དུ་ནི་དཔག་ཚད་ཕྱེད་དང་གཉིས་ཡོད་དོ།། གཉིས་པ་ནི་དཔག་ཚད་གཅིག་དང
iiif viewer powered by OpenSeadragon
