| e-texts navigator |
| Wylie |
108a1 གནས་སོ། ། གླིང་ཕྲན་བརྒྱད་ཡོད་པ་ལ་འདི་ལྟ་སྟེ། ལུས་དང་། ལུས་འཕགས་དང་། རྔ་ཡབ་དང་། རྔ་ཡང་གཞན་དང་། གཡོ་ལྡན་དང་། ཉེ་བའི་གཡོ་ལྡན་དང་།
108a2 སྒྲ་མི་སྙན་དང་། སྒྲ་མི་སྙན་གྱི་ཟླ་རྣམས་སོ།། གླིང་ཕྲན་བརྒྱད་པོ་འདི་དག་གི་ནང་ན། བདུན་ན་ནི་མི་རྣམས་སོ།། གཅིག་ན་ནི་མི་མ་ཡིན་པ་རྣམས་གནས་སོ།། རྒྱལ་ཆེན་བཞི་པའི་ལྷ་རྣམས་ནི་འོག
108a3 མ་ལ་ཤེས་པའི་མཐོང་བ་འཇུག་གོ། ། གོང་མ་ལ་ནི་མ་ཡིན་ཏེ། རྫུ་འཕྲུལ་ལམ། གཞན་གྱི་མཐུ་ནི་མ་གཏོགས་སོ།། དེ་བཞིན་དུ་སུམ་ཅུ་རྩ་གསུམ་པ་རྣམས་དང་། འཐབ་བྲལ་བ་རྣམས་དང་། དགའ
108a4 ལྡན་པ་རྣམས་དང་། འཕྲུལ་དགའ་བ་རྣམས་དང་། གཞན་འཕྲུལ་དབང་བྱེད་པ་རྣམས་དང་། ཚངས་རིས་པ་རྣམས་དང་། ཚངས་པའི་མདུན་ན་འདོན་པ་རྣམས་དང་། ཚངས་པ་ཆེན་པོ་པ་རྣམས་དང་།
108a5 འོད་ཆུང་བ་རྣམས་དང་། ཚད་མེད་འོད་པ་རྣམས་དང་། འོད་གསལ་བ་རྣམས་དང་། དགེ་ཆུང་བ་རྣམས་དང་། ཚད་མེད་དགེ་བ་རྣམས་དང་། དགེ་རྒྱས་པ་རྣམས་དང་། སྤྲིན་མེད་པ་རྣམས་དང་། བསོད་ནམས
108a6 སྐྱེས་པ་རྣམས་དང་། མི་ཆེ་བ་རྣམས་དང་། མི་གདུང་བ་རྣམས་དང་། གྱ་ནོམ་སྣང་བ་རྣམས་དང་། ཤིན་ཏུ་མཐོང་བ་པོ་རྣམས་ཀྱང་འོག་མ་ལ་ཤེས་པའི་མཐོང་བ་འཇུག་གི། གོང་མ་ལ་མ་ཡིན་ཏེ། རྫུ་འཕྲུལ་ལམ།
108a7 གཞན་གྱི་མཐུ་ནི་མ་གཏོགས་སོ།། འོག་མིན་གྱི་ལྷ་རྣམས་ནི་ཐམས་ཅད་དུ་ཤེས་པའི་མཐོང་བ་འཇུག་གོ།། མནར་མེད་པའི་སེམས་ཅན་དམྱལ་བ་ཆེན་པོ་འོག་གི་གཞི་ནི། འདི་ནས་ཐུར་དུ་དཔག་ཚད་བཞི་ཁྲི་ལ
iiif viewer powered by OpenSeadragon
