| e-texts navigator |
| Wylie |
107a1 གསུམ་པོ་རྣམས། ། བསྲུང་བའི་ཕྱིར་ནི་སྤྲོ་བ་སྟེ།། སུམ་ཅུ་རྩ་གསུམ་ལྷ་རྣམས་དང་།། སངས་རྒྱས་བདེ་བ་གཟིགས་པ་དང་།། འཁོར་ལོ་ཆོས་བཞིན་བསྐོར་བ་ཡི།། ལྗོངས་ཀྱི
107a2 བདག་པོ་གང་ཡིན་པ། ། འཁོར་ལོ་སྒྱུར་བའི་དེ་ལ་ཡང་།། བསྲུང་བའི་ཕྱིར་ནི་སྤྲོ་བ་ཡིན།། རིའི་རྒྱལ་པོ་རི་རབ་ཀྱི་ཤར་ཕྱོགས་ཀྱི་ཕྱི་རོལ་གྱི་རྒྱ་མཚོ་ཆེན་པོ་ན། ཤར་གྱི་ལུས་འཕགས་ཞེས་བྱ་བའི་གླིང
107a3 ནང་རྒྱ་ཆེ་ལ། ཕྱི་རོལ་ཟླ་གམ་ལྟར་གྲུབ་པ་ཡོད་དེ། དཔག་ཚད་བརྒྱད་ཁྲི་ནི་ཐུར་དུ་གསེར་གྱི་ས་གཞི་ཆེན་པོ་ལ་བརྟེན་ཏོ།། སྟེང་ནི་ཆུ་དང་མཉམ་པར་འདུག་སྟེ། ཤར་གྱི་ལུས་འཕགས་པོའི་གླིང་གི
107a4 ངོས་ནང་གི་རིང་པོ་གང་ཡིན་པ་དེ་ལ་ནི་དཔག་ཚད་ཉིས་སྟོང་ཡོད་དེ། ནང་གི་ཐུང་ངུ་གང་ཡིན་པ་དེ་ལ་ནི་དཔག་ཚད་སུམ་བརྒྱ་ལྔ་བཅུ་ཡོད་དོ།། མཐའ་སྐོར་དུ་ནི་དཔག་ཚད་དྲུག་སྟོང་སུམ་བརྒྱ་ལྔ་བཅུ་ཡོད་དུ།
107a5 དབྱིབས་ལེགས་ཤིང་བལྟ་ན་སྡུག་ལ་མཛེས་པ་ས་ལས་གྲུབ་པ་སྟེ། དེ་ན་ཤར་གྱི་ལུས་འཕགས་པོའི་མི་རྣམས་ཀྱི་གྲོང་དང་། གྲོང་རྡལ་དང་། གྲོང་ཁྱེར་དང་། ཡུལ་འཁོར་དང་། ཕོ་བྲང་འཁོར་གནས་སོ།། རིའི
107a6 རྒྱལ་པོ་རི་རབ་ཀྱི་ལྷོ་ཕྱོགས་ཀྱི་ཕྱི་རོལ་གྱི་རྒྱ་མཚོ་ཆེན་པོ་ན། འཛམ་བུ་གླིང་ཞེས་བྱ་བའི་གླིང་ནང་རྒྱ་ཆེ་ལ་ཕྱི་རོལ་ཤིང་རྟའི་དབྱིབས་ལྟར་གྲུབ་པ་ཡོད་དེ། དཔག་ཚད་བརྒྱད་ཁྲི་ནི་ཐུར་དུ་གསེར་གྱི་ས་གཞི་ཆེན
107a7 བོ་ལ་བརྟེན་ནོ། ། སྟེང་ནི་ཆུ་དང་མཉམ་པར་འདུག་སྟེ། འཛམ་བུ་གླིང་གི་ངོས་ནང་གི་རིང་པོ་གང་ཡིན་པ་དེ་ལ་ནི་དཔག་ཚད་ཉིས་སྟོང་ཡོད་དོ།། ནང་གི་ཐུང་ངུ་གང་ཡིན་པ་དེ་ལ་ནི་དཔག་ཚད་ཕྱེད་དང་བཞི་ཡོད་དོ།།
iiif viewer powered by OpenSeadragon
