| e-texts navigator |
| Wylie |
106b1 སྐོར་དུ་དཔག་ཚད་སྟོང་ཡོད་ལ། དབྱིབས་ལེགས་ཤིང་བལྟ་ན་སྡུག་ལ་མཛེས་པ་སྟེ། སྔ་མ་བཞིན་དུ་ཐམས་ཅད་བརྗོད་པར་བྱའོ།། རིའི་རྒྱལ་པོ་རི་རབ་ཀྱི་བྱང་ཕྱོགས་ན་རིའི་རྒྱལ་པོ་གཉའ་ཤིང་འཛིན་གྱི་སྟེང
106b2 ན། རྒྱལ་པོ་ཆེན་པོ་རྣམ་ཐོས་ཀྱི་བུའི་ཕོ་བྲང་ལྕང་ལོ་ཅན་ཞེས་བྱ་བ་ཞིག་ཡོད་དེ། ཆུར་དཔག་ཚད་ཉིས་བརྒྱ་ལྔ་བཅུ། ཞེང་དུ་ཡང་དཔག་ཚད་ཉིས་བརྒྱ་ལྔ་བཅུ། མཐའ་སྐོར་དུ་དཔག་ཚད་སྟོང་ཡོད་དེ།
106b3 དབྱིབས་ལེགས་ཤིང་བལྟ་ན་སྡུག་ལ་མཛེས་པ་སྟེ། སྔ་མ་བཞིན་དུ་ཐམས་ཅད་བརྗོད་པར་བྱའོ།། དྲི་ཟ་དག་གི་དབང་པོའི་རྒྱལ།། ཤར་གྱི་ཕྱོགས་རྣམས་སྐྱོང་བྱེད་པ།། རྒྱལ་པོ་ཆེན་པོ་ཡུལ་འཁོར་སྲུང་།
106b4 གྲོང་ཁྱེར་ཡུལ་འཁོར་སྲུང་ན་གནས།། གྲུལ་བུམ་དག་གི་དབང་པོའི་རྒྱལ།། ལྷོ་ཡི་ཕྱོགས་རྣམས་སྐྱོང་བྱེད་པ།། རྒྱལ་པོ་ཆེན་པོ་འཕགས་སྐྱེས་པོ།། གྲོང་ཁྱེར་འཕགས་པར་སྐྱེས་ན་གནས།།
106b5 ཀླུ་རྣམས་ཀྱི་ནི་བདག་པོའི་རྒྱལ།། ནུབ་ཀྱི་ཕྱོགས་རྣམས་སྐྱོང་བྱེད་པ།། རྒྱལ་པོ་ཆེན་པོ་མིག་མི་བཟང་།། གྲོང་ཁྱེར་སྣ་ཚོགས་གཟུགས་ན་གནས།། གནོད་སྦྱིན་རྣམས་ཀྱི་བདག་པོའི་རྒྱལ།། བྱང
106b6 གི་ཕྱོགས་རྣམས་སྐྱོང་བྱེད་པ། ། རྒྱལ་པོ་ཆེན་པོ་རྣམ་ཐོས་བུ།། གྲོང་ཁྱེར་ལྕང་ལོ་ཅན་ན་གནས།། ཤར་ཕྱོགས་ན་ནི་གནས་སྲུངས་པོ།། ལྷོ་ཕྱོགས་ན་ནི་འཕགས་སྐྱེས་པོ།། ནུབ་ཕྱོགས་ན་ནི་མིག
106b7 མི་བཟང་། ། བྱང་ཕྱོགས་ན་ནི་ཀུ་བེ་ར།། རྒྱལ་པོ་ཆེན་པོ་འདི་བཞི་དག། འཇིག་རྟེན་སྐྱོང་བ་གཟི་བརྗིད་ལྡན།། ཕྱོགས་བཞི་དག་ནི་སྐྱོང་བ་སྟེ།། རྫུ་འཕྲུལ་ཆེ་ལ་སྟོབས་ཀྱང་ཆེ།། དེ་དག་ཚོགས་ནི
iiif viewer powered by OpenSeadragon
