| e-texts navigator |
| Wylie |
105a1 @འཇམ་པ་ནི། དཔེར་ན་ཤིང་བལ་གྱི་ལ་བ་འམ། རས་བལ་གྱི་ལབ་བཞིན་ཏེ། རྐང་པ་བཞག་ན་ནི་ནམས་ཞེས་བྱེད། རྐང་པ་བཏེག་ན་ནི་བར་ཞེས་བྱེད་ལ། མེ་ཏོག་མནྡ་ར་བ་དག་གིས་པུས་མོ་ནུབ་པ་ཙམ་དུ
105a2 ཡོངས་སུ་ཁེབས་ཏེ། མི་མ་ཡིན་པ་རྣམས་ཀྱི་རླུང་ག་མཐུས་མེ་ཏོག་རྙིང་པ་རྣམས་ནི་འདོར་བར་བྱེད། མེ་ཏོག་གསར་པ་རྣམས་ནི་ལེགས་པར་འགྲེམས་ཏེ། འདི་སྐད་དུ། ཡུལ་འཁོར་སྲུང་གི་བསོད་ནམས་དབང་གི་མཐུས། ཡུལ་འཁོ།།
105a3 སྲུང་གི་གྲོང་ཁྱེར་རླུང་ཆེན་ལྡང་།། མེ་ཏོག་རྙིང་པ་རྣམས་ནི་འདོར་བར་བྱེད།། མེ་ཏོག་གསར་པ་རྣམས་ནི་ལེགས་པར་འགྲེམས།། ཞེས་ཀྱང་བྱའོ།། དེའི་ནང་ན་ལམ་སྲང་ཆུར་དཔག་ཚད་ཉིས་བརྒྱ་ལྔ་བཅུ། ཞེང་དུ་དཔག་ཆད་ཕྱེད་དང
105a4 གཉིས་པ་ཞིག་ཡོད་དེ། དབྱིབས་ལེགས་ཤིང་བལྟ་ན་སྡུག་ལ་མཛེས་པ་གསེར་གྱི་ཕྱེ་མ་བདལ་ཞིང་། ཙན་དན་གྱི་ཆུས་ཆག་ཆག་བཏབ་པ། དེའི་གློ་གཡས་གཡོན་ན་རྫིང་བུ་བྱས་པ་དག་ཡོད་དེ། རྫིང་བུ་དེ་དག་འདི་ལྟ་སྟེ། གསེར་ལས
105a5 བྱས་པ་དང་། དངུལ་ལས་བྱས་པ་དང་། བཻ་ཌཱུཪྻ་ལས་བྱས་པ་དང་། ཤེལ་ལས་བྱས་པའི་ཕ་གུ་རྣམ་པ་བཞིས་བརྩིགས་སོ།། རྫིང་བུ་དེ་དག་གི་ཕྱོགས་བཞིན། ཐེམ་སྐས་བྱས་པ་དག་ཡོད་དེ། ཐེམ་སྐས་དེ་དག་ཀྱང་འདི་ལྟ་སྟེ། གསེར
105a6 ལས་བྱས་པ་དང་། དངུལ་ལས་བྱས་པ་དང་། བཻ་ཌཱུཪྻ་ལས་བྱས་པ་དང་། ཤེལ་ལས་བྱས་པའི་ཕ་གུ་རྣམ་པ་བཞིས་བརྩེགས་སོ།། རྫིང་བུ་དེ་དག་ཀྱང་ལན་ཀན་རྣམ་པ་བཞིས་སྐོར་རོ།། དབྱིབས་ལེགས་ཤིང་བལྟ་ན་སྡུག་ལ་མཛེས
105a7 པ། ཆུབ་སིལ་ཞིང་ཆུ་སྦྲང་རྩི་ལྟ་བུས་གང་སྟེ། མེ་ཏོག་སུཏྤ་ལ་དང་། པདྨ་དང་། ཀུ་མུ་ཏ་དང་། པདྨ་དཀར་པོས་ཡོངས་སུ་ཁེབས་ཏེ། ཆུ་ནས་སྐྱེས་པའི་བྱ་སྣ་ཚོགས་སྐད་སྙམ་ཅིང་འཇེབས་པ་དང་། སྐད་ཡིད་དུའོ
iiif viewer powered by OpenSeadragon
