| e-texts navigator |
| Wylie |
104b1 སྦྲང་རྩི་ལྟ་བུའི་ཆུས་ཀྱང་གང་།། མེ་ཏོག་དུས་ཀྱི་རྗེས་འབྲང་བས།། རོལ་མཚོ་མཛེས་བྱས་རྒྱ་སྤོས་འཁྲུང་།། དེ་བཞིན་བལ་བུ་སྤང་སྤོས་དང་།། སྨན་ནི་སྣ་ཚོགས་དག་གིས་གང་།། དེ་བཞིན་འཇིག
104b2 ཤིང་ལུས་ཆེ་བ། ། དྲག་ཅིང་མི་བཟད་འདུག་པ་ཡི།། ཀླུ་ཡི་རྒྱལ་པོ་རྣམས་ཀྱིས་རྒྱུས།། རོལ་མཚོ་བདུན་པོ་ཡིད་འོང་བ།། རི་བོ་དག་གི་འོད་རྣམས་དང་།། ཉི་མའི་འོད་ཟེར་རྣམས་ཀྱིས་ཀྱང་།།
104b3 ཉི་མ་འཆར་ཀ་ཐང་ཅིག་ཙམ།། ཕྱོགས་བཅུ་དག་ཏུ་ལམ་མ་སྣང་།། གསེར་གྱི་རི་བོ་བདུན་པོ་ཡིས།། རོལ་མཚོ་བདུན་པོ་ཀུན་ནས་བསྐོར།། རི་རྣམས་གཙོ་བོ་རི་རབ་ནི།། རྩེ་མོ་བྲིས་པ་བཞིན་དུ
104b4 འཕགས། ། རིའི་རྒྱལ་པོ་རི་རབ་ཀྱི་ཤར་ཕྱོགས་ཀྱི་རིའི་རྒྱལ་པོ་གཉའ་ཤིང་འཛིན་གྱི་སྟེང་ན། རྒྱལ་པོ་ཡུལ་འཁོར་སྲུང་གི་ཕོ་བྲང་འཁོར་ཡུལ་འཁོར་སྲུང་ཞེས་བྱ་བ་ཞིག་ཡོད་དེ། ཆུར་དཔག་ཚད
104b5 ཉིས་བརྒྱ་ལྔ་བཅུ། ཞེང་དུ་དཔག་ཚད་ཉིས་བརྒྱ་ལྔ་བཅུ། མཐའ་སྐོར་དུ་དཔག་ཚད་སྟོང་ཡོད་ལ། དབྱིབས་ལེགས་ཤིང་བལྟ་ན་སྡུག་ལ་མཛེས་ཤིང་གསེར་གྱི་ར་བས་བསྐོར་ཏེ། ར་བས་འཕང་དུ
104b6 དཔག་ཚད་ཕྱེད་ཡོད་དེ། རབ་དེ་དག་གི་རྩིག་སྐྱབས་གསེར་ལས་བྱས་པ་དང་། དངུལ་ལས་བྱས་པ་དང་། བཻ་ཌཱུཪྻ་ལས་བྱས་པ་དང་། ཤེལ་ལས་བྱས་པ་རྣམ་པ་བཞི་ཡོད་དོ།། མདའ་ཡབ་དང་།
104b7 ཟམ་པ་རྒྱུད་མ་རྣམ་པ་བཞི་ཡོད་དེ། དེ་དག་ནང་གི་ས་གཞི་དབྱིབས་ལེགས་ཤིང་བལྟ་ན་སྡུག་ལ་མཛེས་ཏེ། བྲིས་ཤིང་ལེགས་པར་བྲིས་པ་ཚོན་སྣ་བརྒྱ་རྩ་གཅིག་གིས་བྲིས་པ་སྟེ། འཇམ་ཞིང་ཤིན་ཏུ
iiif viewer powered by OpenSeadragon
