| e-texts navigator |
| Wylie |
104a1 རིའི་རྒྱལ་པོ་རྣམ་པར་འདུད་ཀྱི་བར་དེའི་སྐབས་ན། རྟ་རྣ་རིའི་རོལ་མཚོ་ཞེས་བྱ་བ་ཡོད་དེ། ཟབས་སུ་ནི་དཔག་ཚད་བརྒྱད་ཁྲི་ཡོད་ལ། གསེར་གྱི་ས་གཞི་ཆེན་པོ་ལ་བརྟེན་ཏོ།། ཞེང
104a2 དུ་ནི་དཔག་ཚད་ཉིས་སྟོང་ལྔ་བརྒྱ་ཡོད་དེ། དབྱིབས་ལེགས་ཤིང་བལྟ་ན་སྡུག་ལ་མཛེས་པ། ཆུ་བསིལ་ཞིང་ཆུ་སྦྲང་རྩི་ལྟ་བུས་གང་སྟེ། ཀླུའི་རྒྱལ་པོ་དག་གིས་རྒྱས་པར་འདུག་གོ།། རིའི་རྒྱལ་པོ་རྣམ
104a3 པར་འདུད་དང་། རིའི་རྒྱལ་པོ་མུ་ཁྱུད་ཀྱི་བར་དེའི་སྐབས་ན། རིའི་རྒྱལ་པོ་རྣམ་པར་འདུད་ཀྱི་རོལ་མཚོ་ཞེས་བྱ་བ་ཡོད་དེ། ཟབས་སུ་ནི་དཔག་ཚད་བརྒྱད་ཁྲི་ཡོད་ལ། གསེར་གྱི་ས་གཞི་ཆེན་པོ་ལ་བརྟེན
104a4 ཏོ། ། ཞེང་དུ་ནི་དཔག་ཚད་སྟོང་ཉིས་བརྒྱ་ལྔ་བཅུ་ཡོད་དེ། དབྱིབས་ལེགས་ཤིང་བལྟ་ན་སྡུག་ལ་མཛེས་པ། ཆུ་བསིལ་ཞིང་ཆུ་སྦྲང་རྩི་ལྟ་བུས་གང་སྟེ། ཀླུའི་རྒྱལ་པོ་དག་གིས་རྒྱས་པར་འདུག་གོ།
104a5 གཉའ་ཤིང་འཛིན་གྱི་རོལ་མཚོ་ཡི།། མཚམས་ན་གཉའ་ཤིང་འཛིན་གྱི་རི།། གཤོལ་མདའ་འཛིན་གྱི་རོལ་མཚོ་ཡི།། མཚམས་ན་གཤོལ་མདའ་འཛིན་གྱི་རི།། སེང་ལྡེང་ཅན་གྱི་རོལ་མཚོ་ཡི།།
104a6 ཕ་རོལ་སེང་ལྡེང་ཅན་གྱི་རི།། བལྟ་ན་སྡུག་གི་རོལ་མཚོ་ཡི།། བར་མཚམས་ན་ནི་བལྟ་ན་སྡུག། རྟ་རྣ་རི་ཡི་རོལ་མཚོ་ཡི།། བར་མཚམས་ན་ནི་རྟ་རྣ་རི།། རྣམ་པར་འདུད་ཀྱི་རོལ་མཚོ་ཡི།། ཕ་རོལ་རི
104a7 བོ་རྣམ་པར་འདུད། ། མུ་ཁྱུད་འཛིན་གྱི་རོལ་མཚོ་ཡི།། བར་མཚམས་ན་ནི་མུ་ཁྱུད་འཛིན།། ཆུ་འཛིན་རོལ་མཚེ་བདུན་པོ་རྣམས།། དང་བའི་བཻ་ཌཱུཪྻ་མཆོག་བཞིན།། རབ་ཏུ་བསིལ་བའི་ཆུ་དག་དང་།།
iiif viewer powered by OpenSeadragon
