| e-texts navigator |
| Wylie |
7b1 རིང་བའི་གླེང་གཞི་དང་། བར་པའི་གླེང་གཞི་དང་། ཉེ་བའི་གླེང་གཞི་སྟེ། གླེང་གཞི་གསུམ་པོ་འདི་གཟིགས་ནས་བསྔགས་པ་གང་ཞིག་ཉན་པའོ།། དེ་ལ་དང་པོ་རེ་ཞིག་དེ་རྣམས་ཀྱི་གླེང
7b2 གཞི་ཡོངས་སུ་བཅད་པ་རྣམས་རིག་པར་བྱའོ། ། མར་མེ་མཛད་ཀྱི་ཞབས་ཀྱི་དྲུང་འདིར་སེམས་དཔའ་ཆེན་པོས་སྨོན་ལམ་བཏབ་བོ།། ཇི་སྲིད་ཐམས་ཅད་སྒྲོལ་གྱི་ལུས་སྤངས་པའི་བར་དང་།
7b3 དགའ་ལྡན་གྱི་གནས་སུ་འཁྲུངས་པའི་ཆོས་ཀྱི་གཏམ་གྱི་བར་གྱི་ལམ་ནི་རིང་པོའི་གླེང་གཞི་ཞེས་བྱའོ།། ཇི་སྲིད་དགའ་ལྡན་གྱི་གནས་ནས་འཕོས་ནས་བྱང་ཆུབ་ཀྱི་སྙིང་པོར་ཐམས་ཅད་མཁྱེན
7b4 པ་ཐོབ་ནས་ཆོས་ཀྱི་གཏམ་གྱི་བར་གྱི་གླེང་གཞི་བར་པ་ཞེས་བྱ་བའོ། ། གང་དང་གང་དུ་ཞུགས་ནས། དེ་དང་དེ་ཐོབ་པ་རྣམས་ནི་ཉེ་བའི་གླེང་གཞི་ཞེས་བྱ་བའོ།། དེ་ལ་འདིར་རིང་པོའི་གླེང་གཞི
7b5 ཞེས་བྱ་བ་ནི། འདི་ནས་བསྐལ་པ་གྲངས་མེད་པ་བཞི་དང་། བསྐལ་པ་འབུམ་ཕྲག་གཅིག་ལྷག་པ་ནས་འགོ་བརྩམས་ནས་གྲོང་ཁྱེར་འཇིགས་མེད་ལྡན་ཞེས་བྱ་བ་བྱུང་ངོ་།། དེར་ཡང་བྲམ་ཟེ
7b6 བློ་གྲོས་བཟང་པོ་ཞེས་བྱ་བ་གནས་སོ། ། ཕ་དང་མ་གཉིས་ཀའང་རིགས་བཟང་བའི་མངལ་དུ་ཞུགས་ཏེ། རིགས་བདུན་རྒྱུད་ཀྱི་བར་དུ་གཞན་གྱིས་རྩོད་པ་དང་། སྤྱོ་བ་དང་། སྨོད་པ་མེད་ཅིང
7b7 རྣམ་པར་དག་གོ། གཟུགས་བཟང་བ། བལྟ་ན་སྡུག་པ་རབ་ཏུ་མཛེས་པ་མཆོག་གི་ཁ་དོག་དང་ལྡན་པའི་སྐྱེས་བུ་ཅན་ནོ།། དེ་ཡང་ལས་གཞན་མི་བྱེད་པར་བྲམ་ཟེའི་ལས་འབའ་ཞིག་སློབ་བོ།།
iiif viewer powered by OpenSeadragon
