| e-texts navigator |
| Wylie |
5a1 པ་དང་བཅས་པ་དང་། དགེ་སྦྱོང་དང་བཅས་པ་དང་། སྐྱེ་དགུའི་བདག་པོ་དང་། ལྷ་དང་མིར་བཅས་པ་རྣམས་ལས། བླ་ན་མེད་པ་ཡང་དག་པར་རྫོགས་པའི་སངས
5a2 རྒྱས་མངོན་པར་རྫོགས་པར་སངས་རྒྱས་ནས་སོ་སོར་རྟོགས་སོ། ། ཡེ་ཤེས་འདི་ཡང་བདག་མཐོང་བར་གྱུར་པ་དང་། སྔར་མེད་པའི་རྣམ་པར་གྲོལ་བ་དང་། བདག་ནི་ལྷག་མ་མེད་པར་ཡང
5a3 སྲིད་པ་ལེན་པ་མེད་པར་མྱ་ངན་ལས་འདས་སོ། ། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། དགེ་སློང་ལྔ་སྡེ་བཅོམ་ལྡན་འདས་ཀྱིས་གསུངས་པ་ལ་མངོན་པར་དགའ་འོ།། འདི
5a4 ལྟར་ལུང་དུ་བསྟན་པ་དེ་ཚུན་ཆོད་ནས། ཚེ་དང་ལྡན་པ་ཀོའུ་དི་ནྱ་རྡུལ་སྤངས་པ་དང་། དྲི་མ་མེད་པའི་ཆོས་ཀྱི་མིག་སྐྱེས་སོ།། གང་ཅུང་ཟད་ཀུན་འབྱུང་བའི་ཆོས་ཐམས་ཅད་ནི་དེ་འགོག་པའི་ཆོས
5a5 ཡིན་ནོ། ། བཅོམ་ལྡན་འདས་ཀྱིས་ཆོས་ཀྱི་འཁོར་ལོ་རབ་ཏུ་བསྐོར་ཞིང་བསྐོར་ནས། སའི་ལྷ་རྣམས་ཀྱིས་བསྟོད་པའི་སྒྲ་བསྒྲགས་སོ།། དགེ་སྦྱོང་ངམ། བྲམ་ཟེ་འམ། ལྷ་འམ། བདུད
5a6 དམ། ཚངས་པ་འམ། འཇིག་རྟེན་དུ་གཞན་སུས་ཀྱང་བསྐོར་བར་མི་ནུས་པ་འདི་ནི། བཅོམ་ལྡན་འདས་ཀྱིས་ཡུལ་ཝཱ་རཱ་ཎ་སིའི་དྲང་སྲོང་ལྷུང་བ་དང་། རི་དགས་རྒྱུ་བའི་གནས་སུ་བཞུགས་ནས
5a7 བླ་ན་མེད་པའི་ཆོས་ཀྱི་འཁོར་ལོ་རབ་ཏུ་མ་བསྐོར་བ་བསྐོར་ཏོ། ། དེ་ནས་སའི་ལྷའི་སྒྲ་ཐོས་ནས། རྒྱལ་ཆེན་རིས་བཞིའི་ལྷ་རྣམས་ཀྱིས་བསྟོད་པའི་སྒྲ་བསྒྲགས་སོ།། དགེ་སྦྱོང་ངམ།
iiif viewer powered by OpenSeadragon
