| e-texts navigator |
| Wylie |
4b1 པ་བསྐྱེད་པ་དང་། སྣང་བ་བསྐྱེད་པའོ།། འདི་ནི་སྡུག་བསྔལ་འགོག་པར་འགྲོ་བའི་ལམ་འཕགས་པའི་བདེན་པའོ།། དགེ་སློང་དག་འདི་ནི་སྔར་ཆོས་མ་ཐོས་པ་ལ་མིག་བསྐྱེད་པ་དང་། ཡེ་ཤེས།
4b2 བསྐྱེད་པ་དང་། ཤེས་རབ་བསྐྱེད་པ་དང་། རིག་པ་བསྐྱེད་པ་དང་། སྣང་བ་བསྐྱེད་པའོ།། འདི་ཡང་སྡུག་བསྔལ་འགོག་པར་འགྲོ་བའི་ལམ་འཕགས་པའི་བདེན་པ་སྟེ་བསྒོམ་པར་བྱའོ།།
4b3 དགེ་སློང་དག་འདི་ནི་སྔར་ཆོས་མ་ཐོས་པ་ལ་མིག་བསྐྱེད་པ་དང་། ཡེ་ཤེས་བསྐྱེད་པ་དང་། ཤེས་རབ་བསྐྱེད་པ་དང་། རིག་པ་བསྐྱེད་པ་དང་། སྣང་བ་བསྐྱེད་པའོ།། དགེ་སློང་དག་དེ་ལྟར
4b4 བཤད་པ་རྣམ་པ་བཞི་པོ་འདི་ནི་འཕགས་པའི་བདེན་པའོ། ། འདི་ལྟར་ལན་གསུམ་དུ་བཟླས་ཏེ། རྣམ་པ་བཅུ་གཉིས་པོ་ཇི་ལྟར་གྱུར་པ་རྣམས་ཡེ་ཤེས་མཐོང་བ་ཤིན་ཏུ་རྣམ་པར་དག་པ་ཡིན་ནོ།།
4b5 དགེ་སློང་དག་ང་སྤངས་ཏེ། ལྷ་དང་བཅས་པའི་འཇིག་རྟེན་དང་། བདུད་དང་བཅས་པ་དང་། ཚངས་པ་དང་བཅས་པ་དང་། དགེ་སྦྱོང་དང་བཅས་པ་དང་། སྐྱེ་དགུའི་བདག་པོ་དང་། ལྷ་དང
4b6 མིར་བཅས་པ་རྣམས་ལས། བླ་ན་མེད་པ་ཡང་དག་པར་རྫོགས་པའི་སངས་རྒྱས་གཞན་མེད་དོ།། དགེ་སློང་དག་གང་ཡང་འདི་ནི་འཕགས་པའི་བདེན་པ་བཞི་པོ་འདི་ལྟར་ལན་གསུམ་དུ་བཟླས
4b7 རྣམ་པ་བཅུ་གཉིས་སུ་ཇི་ལྟར་གྱུར་པའི་ཡེ་ཤེས་མཐོང་བ་ཤིན་ཏུ་རྣམ་པར་དག་པ་ཡིན་ནོ། ། ཇི་ལྟར་དགེ་སློང་དག་ང་ནི་འཇིག་རྟེན་ལྷ་དང་བཅས་པ་དང་། བདུད་དང་བཅས་པ་དང་། ཚངས
iiif viewer powered by OpenSeadragon
