| e-texts navigator |
| Wylie |
369b1 མང་ཞིང་ཆུ་བྲན་རབ་འབབ་པ། ། དེ་ན་ཀུན་ལ་ཞེས་བྱ་བའི་བྱ།། འདི་ཡི་མིག་དང་རྣམ་པར་འདྲ་བ་ཡོད།། དེ་ནས་རྒྱལ་པོས་བྱ་ཀུན་ལ་མྱུར་དུ་ཁྱེར་ལ་ཤོག་ཅིག་ཅེས་སྨྲས་པ་དང་། དེའི་སྟེང་གི་དཔག་ཚད
369b2 གཅིག་ཙམ་དུ་གནོད་སྦྱིན་རྣམས་ཀྱིས་ཐོས་སོ། ། འོག་གྲི་དཔག་ཚད་གཅིག་ཙམ་དུ་ནི་ཀླུ་རྣམས་ཀྱིས་ཐོས་སོ།། དེ་ནས་གནོད་སྦྱིན་གྱིས་སྐད་ཅིག་མ་དེ་ཉིད་ལ་བྱ་ཀུན་ལ་ཁྱེར་ཏེ་འོངས་སོ།། དེ་ནས་རྒྱ
369b3 པོས་གཞོན་ནུ་དང་། ཀུ་ན་ལའི་མིག་ལ་ཤིན་ཏུ་ཡུན་རིང་པོར་བཏགས་ན་ཅུང་ཟད་ཀྱང་མ་རྟགས་སོ།། དེ་ནས་རྒྱལ་པོས་སྨྲས་པ། ཨེ་མའོ་གཞོན་ནུ་དང་ཀུན་ལའི་མིག་ཤིན་ཏུ་འདྲ་བ་ཡིན་པས་ན།
369b4 གཞོན་ནུ་ལ་མིང་ཀུན་ལ་ཞེས་གདགས་པར་བྱའོ།། ཡང་སྨྲས་པ། ས་བདག་དེ་ནི་མིག་ལ་རྗེས་དགའ་བས།། དེ་ཚེ་བུ་ལ་ཀུན་ལ་ཞེས་སྨྲས། དེ་ནས་འཕགས་པའི་སེམས་ཀྱི་རྒྱལ་པོའི་བུ།།
369b5 དེ་ཡི་མིང་ནི་ས་སྟེངས་རབ་ཏུ་གྲགས།། དེ་ནས་རྒྱ་ཆེར་གཞོན་ནུ་ཆེན་པོར་གྱུར་པའི་བར་དུ་སྟེ། དེ་ལ་གསེར་འཕྲེང་ཅན་ཞེས་བྱ་བའི་བུ་མོ་ཆུང་མའི་དོན་དུ་བཀུག་ནས་བྱིན་ཏེ། ཕའི་བཟོའི་གནས
369b6 དང་ལས་ཀྱི་གནས་འདི་ལྟ་སྟེ། གླང་པོ་ཆེའི་གཉར་ཞོན་པ་དང་། རྟ་ལ་ཞོན་པ་དང་། ཤིང་རྟའི་ཐབས་དང་། མདའ་གཞུའི་ཐབས་དང་། ལྕགས་ཀྱུས་བསྒྱུར་བའི་ཐབས་དང་། མདའ་བོ
369b7 ཆེ་འཕེན་པའི་ཐབས་དང་། ལྕགས་མདའ་འཕེན་པའི་ཐབས་དང་། ཐག་མདུང་འཕེན་པའི་ཐབས་དང་། མདུན་དུ་བརྩུ་བ་དང་། ཕྱིར་བསྣུར་བ་དང་། བཅད་པ་དང་། དྲལ་བ་དང་། རྒྱང
iiif viewer powered by OpenSeadragon
