| e-texts navigator |
| Wylie |
369a1 པར་དཀའ་བས་སྔས་རྣམས་ལ་གཞོན་ནུ་ཅི་འདྲ་བ་བལྟ་བར་བྱའོ་ཞེས་སྨྲས་སོ། ། དེ་ནས་མ་མ་རྣམས་ཀྱིས་རྒྱལ་པོ་ལ་བསྟེན་པའི་ཕྱིར་ཁྱེར་བ་དང་། མཐོང་ནས་རྒྱལ་པོས
369a2 གཞོན་ནུའི་མིང་ཇི་ལྟར་གདགས་པར་བྱ་ཞེས་བསམ་པ་དང་། གང་གི་ཕྱིར་ད་འདི་ཆོས་ལ་རབ་ཏུ་ཞུགས་པ་ན་སྐྱེས་པས་ན་དེའི་ཕྱིར་ཆོས་འཕེལ་བ་ཉིད་མིང་གདགས་པར་བྱའོ་ཞེས་སྨྲས་ནས
369a3 གཞོན་ནུ་རྒྱལ་པོ་ཨ་ཤོ་ཀས་བླངས་སོ། ། དེ་ནས་རྒྱལ་པོ་ས་གཞོན་ནུ་ལ་བལྟས་ཏེ་དགའ་བཞིན་དུ་སྨྲས་པ། ང་ཡི་བུ་ལ་མིག་བཟང་ལེགས་སྐྱེས་པ།། ཨུཏྤལ་སྔོ་འདྲ་རབ་ཡངས་རྫི་མ་ཅན།
369a4 གང་གིས་བཞིན་བརྒྱན་མཛེས་པར་བྱས་པ་ནི།། སྒྲ་གཅན་ཁ་ལས་ཐར་པའི་ཟླ་བ་འདྲ།། ཇི་ཙམ་ན་རྒྱལ་པོས་བློན་པོ་རྣམས་ལ་སྨྲས་པ། ཁྱེད་རྣམས་ཀྱིས་འགའ་ཞིག་ལ་འདི་ལྟ་བུའི་མིག
369a5 ཡོད་པར་མཐོང་ངམ། བློན་པོ་རྣམས་ཀྱིས་སྨྲས་པ། ལྷ་མ་མཐོང་ལགས་སོ།། དེ་ནས་དེ་ན་གནས་པའི་འཁོར་རྣམས་ལ་དེ་སྐད་རྒྱལ་པོས་སྨྲས་པ་དང་། རིའི་རྒྱལ་པོ་ཁ་བ་ཅན་ན་ལོང
369a6 བསྟེན་པའི་ཟམ་ཟེ་རྣམས་དེ་ཉིད་དུ་ལྤགས་པ་དང་། དེ་རྣམས་ལ་རྒྱལ་པོས་གཞོན་ནུ་བསྟན་ཏེ། ཁྱེད་རྣམས་ཀྱིས་ཀྱང་འགའ་ཞིག་ལ་འདི་ལྟ་བུའི་མིག་ཡོད་པ་མཐོང་ངམ། ལྷ་མིར་གྱུར
369a7 བ་རྣམས་ལ་ནི་མ་མཐོང་སྟེ། དེ་ལྷ་མོད་ཀྱི་འོན་ཀྱང་ལྷ་རིའི་རྒྱལ་པོ་ཁ་བ་ཅན་ན་ཀུན་ནལ་ཞེས་པའི་བྱད་ལ་འདི་ལྟ་བུའི་མིག་མཆིས་སོ།། སང་སྨྲས་པ། རི་རྒྱལ་ཁ་བ་ཅན་ནི་བྲག་གི་རྩ།། མེ་ཏིག
iiif viewer powered by OpenSeadragon
