| e-texts navigator |
| Wylie |
368b1 འཁར་གསིལ་དཀྲོལ་བ་དང་།། རྔ་རྐེད་ཉེག་བརྡུང་བ་དང་། བྱིས་པ་ལྔ་ཚོགས་པ་དང་། སྲང་བར་ན་རྩེ་བ་སྟེ། དེ་དག་ཐམས་ཅད་སྲུང་དང་། སྲང་བར་དང་། བཞི་མདོ་དང་། སུམ་མདོ་དེ་བྲམ
368b2 ཅད་དུ་རང་རང་གི་བྱ་བ་ཐམས་ཅད་ཀྱིས་མཛེས་པར་བྱས་སོ། ། གྲོང་ཁྱེར་གྱི་སྒོ་བཞིར་ཡང་སྦྱིན་པ་ནི་གཏོང་། བསོད་ནམས་དག་བྱེད་པ་ནི་འདི་ལྟ་སྟེ། ཟས་འདོད་པ་རྣམས་ལ་ནི་ཟས། གོས་འདོད
368b3 པ་རྣམས་ལ་ནི་གོས། དྲི་དང་། འཕྲེང་བ་དང་། བྱུག་པ་འདོད་པ་རྣམས་ལ་ནི་དྲི་དང་། འཕྲེང་བ་དང་། བྱུག་པ། རས་ཟུང་དང་། ར་ས་ཡ་བ་དང་། ཀར་ཤ་པ་ན་འདོད་པ་རྣམས་ལ་ནི།
368b4 རས་ཟུང་དང་། རས་ཡ་བ་དང་། ཀཱར་ཤ་པ་ན་སྦྱིན་པར་བྱེད་པ་དང་། ཀུན་ཏུ་དགའ་བའི་རོལ་མོ་རྣམས་རྡུང་། སྤྱི་བོ་ལ་ཏིལ་མར་གྱིས་ནི་ཉུག་པར་བྱེད་དོ།། ཞག་གཅིག་ལ་ཇི་ལྟ་བ་དེ་བཞིན་དུ
368b5 གསུམ་པ་ནས། བདུན་པ་ནས། ཉིན་ཞག་ཉི་ཤུ་རྩ་གཅིག་གི་བར་དུ་བ་ཙས་སྟོན་རྒྱ་ཆེར་བྱས་ཏེ། པང་ན་འཚེ་བའི་མ་མ་གཉིས་དང་། དྲི་མ་འཕྱི་བའི་མ་མ་གཉིས་དང་། ནུ་མ་བསྣུན་པའི
368b6 མ་མ་གཉིས་དང་། རྩེད་གྲོགས་ཀྱི་མ་མ་གཉིས་ཏེ་མ་མ་བརྒྱད་ལ་གཏོད་དོ།། དེ་ལྟར་གཞོན་ནུ་དེ་མ་མ་བརྒྱད་པོ་ཐམས་ཅད་ཀྱིས་རང་གི་བཟོ་ལེགས་པར་བྱས་པས་ཡོངས་སུ་བསྐྱངས་ཤིང་།།
368b7 མཁས་པ་དང་ལྡན་པ་རྣམས་ཀྱིས་འོ་མ་དང་། མར་གསར་དང་། ཞོ་དང་། མར་གྱི་སྙིང་པོ་དང་། སྦྲང་རྩིས་སྐྱེད་པར་བྱེད་པར་རྩོམ་པར་གྱུར་ཏོ།། དེ་ནས་རྒྱལ་པོ་ཨ་ཤོ་ཀ་བུ་ལྟ་བར་མངོན
iiif viewer powered by OpenSeadragon
