| e-texts navigator |
| Wylie |
215b1 དམ་ཐག་ཏུ་ནང་ཞི་བར་གྱུར་ནས། ཚེ་དང་ལྡན་པ་འོད་སྲུངས་ཆེན་པོ་ལངས་སོ།། ཚེ་དང་ལྡན་པ་འོད་སྲུངས་ཆེན་པོའི་ནད་ཞི་བར་གྱུར་ཏོ།། གནས་བརྟན་འོད་སྲུངས་ཆེན་པོའི་མདོ་རྫོགས་སོ།།
215b2 ། པཎྜི་ཏ་ཆེན་པོ་ཨཱ་ནནྡ་ཤྲཱིའི་ཞལ་སྔ་ནས། སང་དུ་ཐོས་པའི་ལོ་ཙ་བ་ཤཱཀྱའི་དགེ་སློང་ཉི་མ་རྒྱལ་མཚན་དཔལ་བཟང་པོས་སྐད་གཉིས་སྨྲ་བ་རྣམས་ཀྱི་གདན་ས་གཙུག་ལག་ཁང
215b3 ཆེན་པོ་དཔལ་ཐར་པ་གླིང་དུ་བསྒྱུར་ཅིང་ཞུས་ཏེ་གཏན་ལ་ཕབ་པའོ། ། སའི་སྟེང་དུ་ཉི་མ་དང་ཟླ་བ་ལྟར་གྱུར་ཅིག། སྔ་འགྱུར་ཡོད།། ། རྒྱ་གར་སྐད
215b4 དུ། སཱུརྱ་སཱུ་ཏྲ། བོད་སྐད་དུ། ཉི་མའི་མདོ། འཕགས་པ་དཀོན་མཆོག་གསུམ་ལ་གུས་པས་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས
215b5 མཉན་ཡོད་ན་རྒྱལ་བྱེད་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། ། དེའི་ཚེ་ལྷའི་བུ་ཉི་མ་ལྷ་མ་ཡིན་གྱི་དབང་པོ་སྒྲ་གཅན་འཛིན་གྱིས་བཟུང་ངོ་།། དེ་ནས་ལྷའི་བུ་ཉི་མས་བཅོམ་ལྡན
215b6 འདས་རྗེས་སུ་དྲན་པ་ཡིད་ལ་བྱ་སྟེ། དེའི་དུས་སུ་ཚིགས་སུ་བཅད་པ་འདི་གསོལ་ཏོ།། སངས་རྒྱས་དཔའ་བོ་དོ་ལ་འདུད།། ཐམས་ཅད་མྱུར་དུ་གྲོལ་བར་གྱིས།། བདག་འདིའི་ཁ་རུ་བཅུག
215b7 པས་ན། ། བདག་ནི་ཁྱོད་ལ་སྐྱབས་སུ་མཆི།། དེ་ནས་བཅོམ་ལྡན་འདས་ཀྱིས་ལྷའི་བུ་ཉི་མའི་ཆེད་དུ། ལྷ་མ་ཡིན་གྱི་དབང་པོ་སྒྲ་གཅན་འཛིན་ལ་ཚིགས་སུ་བཅད་པ་བཀའ་སྩལ་པ། སངས
iiif viewer powered by OpenSeadragon
