| e-texts navigator |
| Wylie |
213a1 མང་དུ་བྱས་པ་དང་། བརྩོན་པར་བྱས་པ་དང་། གཞིར་བྱས་པ་དང་། རྗེས་སུ་བསྒྲུབས་པ་དང་། འདྲིས་པར་བྱས་པས་ལེགས་པར་བརྩམས་སོ།། བཙུན་པ
213a2 དགའ་བོ་ཉེ་དགའ་ལྟ་ཞོག། དགའ་བོ་ཉེ་དགའ་དང་མཚུངས་པར་བརྒྱའི་ཚོགས་དང་། སྟོང་གི་ཚོགས་དང་། འབུམ་གྱི་ཚོགས་ཀྱང་བདག་གིས་གདུལ་བར་ནུས་སོ་ཞེས་གསོལ་ཏོ།། ཀླུའི
213a3 རྒྱལ་པོས་བསམས་པ། ནང་ན་རྒྱུ་བ་བདག་གིས་མ་མཐོང་ངོ་།། ཕྱིར་འབྱུང་བའི་ཚེ་མཆེ་བ་གཉིས་ཀྱི་བར་དུ་བཟའ་འོ་སྙམ་ནས། བཙུན་པ་ཕྱིར་ཤོག། ངའི་ལྟོ་བའི་ནང་དུ་ཡང་དང
213a4 ཡང་དུ་རྒྱུ་བ་དང་། སྡོད་པས་ཅི་བྱ་ཞེས་པས་གནས་བརྟན་ཕྱིར་བྱོན་ནས་གནས་སོ།། ཀླུའི་རྒྱལ་པོས་མཐོང་ནས། འདི་ཡིན་ནམ་ཞེས་སྨྲས་ཏེ། སྣའི་རླུང་ཕྱིར་བཏང་ངོ་།། གནས
213a5 བརྟན་བསམ་གཏན་བཞི་པོ་མཉམ་པར་ཐོབ་པས། བ་སྤུའི་བུ་ག་གཅིག་ཏུ་ཡང་སྣའི་རླུང་གིས་བསྐྱོད་པར་མ་ནུས་སོ།། དེ་ལས་གཞན་པའི་དགེ་སློང་རྣམས་ཀྱིས་དང་པོ་རྣམས་ཀྱི
213a6 ཆོ་འཕྲུལ་ཐམས་ཅད་བྱེད་པར་ནུས་ཀྱིས། གནས་འདི་རྣམས་ལ་རབ་ཏུ་ཞུགས་ནས། བསམ་གཏན་བཞི་པོ་མྱུར་དུ་བསྒྲུབ་པར་མི་ནུས་སོ།། དེའི་ཕྱིར་བཅོམ་ལྡན་འདས་ཀྱིས་ཀླུའི་རྒྱལ
213a7 པོ་འདུལ་བ་དེ་རྣམས་ལ་གནང་བ་མ་བྱིན་ནོ། ། ཀླུའི་རྒྱལ་པོ་བདག་གིས་དགེ་སློང་འདིའི་བ་སྤུའི་བུ་ག་ཙམ་ཡང་སྣའི་རླུང་གིས་བསྐྱོད་པར་མ་ནུས་པས་རྫུ་འཕྲུལ་ཆེན་པོར་བསམས་སོ།། གནས
iiif viewer powered by OpenSeadragon
