| e-texts navigator |
| Wylie |
212a1 མཆོག་རབ་ལན་བདུན་དུ་ལུས་ཀྱིས་དཀྲིས་ནས་སྟེང་དུ་གདེངས་ཀས་བསྒྲིབས་སོ། ། མུན་པ་མུན་ནག་ཏུ་བྱས་ནས་གནས་སོ།། གསོལ་པ། བཙུན་པ་བདག
212a2 གིས་འདུལ་བར་བགྱིའམ། བཅོམ་ལྡན་འདས་ཀྱིས་གནང་བ་མ་བྱིན་ནོ།། དེ་ནས་ཚེ་དང་ལྡན་པ་བཟང་ལྡན་དང་། ཚེ་དང་ལྡན་པ་སྒྲ་གཅན་འཛིན་ཏེ། གོ་རིམས་བཞིན་དུ་དགེ་སློང་ཐམས་ཅད
212a3 ཀྱིས་ཞུས་སོ། ། བཅོམ་ལྡན་འདས་ཀྱིས་རྗེས་སུ་གནང་བ་མ་བྱིན་ནོ།། ཐམས་ཅད་ཀྱི་རྗེས་སུ་གནས་བརྟན་ཆེན་པོ་མོའུ་འགལ་གྱི་བུས་བཙུན་པ་བདག་གིས་གདུལ་བར་བགྱིའམ་ཞེས་ཞུས་པ
212a4 དང་། མོའུ་འ་གལ་གྱི་བུ་ཐུལ་ཅིག་ཅེས་བཅོམ་ལྡན་འདས་ཀྱིས་གནང་བ་བྱིན་ནོ།། གནས་བརྟན་རང་གི་ལུས་བོར་ལ་ཀླུའི་རྒྱལ་པོའི་ལུས་ཆེན་པོར་སྤྲུལ་ཏེ། དགའ་བོ་ཉེ་དགའི་ལུས་ཀྱི་སྟེང
212a5 དུ་ལན་བཅུ་བཞི་ལུས་ཀྱིས་དཀྲི་བ་དང་། དེའི་གདེངས་ཀའི་སྟེང་དུ་རང་གི་གདེངས་ཀ་བྱའོ།། རི་བོ་མཆོག་རབ་དང་བཅས་པ་ཐམས་ཅད་ནོན་ཅིག་ཅེས་བཀའ་སྩལ་པ་དང་། གནས་བརྟན
212a6 མོརུ་འགལ་གྱི་བུས་དེ་བཞིན་དུ་བྱས་སོ། ། དེ་ནས་ཀླུའི་རྒྱལ་པོ་དགའ་བོ་ཉེ་དགས་ཁ་རླངས་ཀྱི་དུ་བ་བཏང་ངོ་།། གནས་བརྟན་གྱིས་ཀྱང་ཁྱེད་ཀྱི་ལུས་ལ་ཁ་རླངས་ཀྱི་དུ་བ་ཡོད་ལ། ངེད་ལ
212a7 མེད་པ་ཡིན་ནམ། ཀླུའི་རྒྱལ་པོ་དགའ་བོ་ཉེ་དགའི་དུ་བས་གནས་བརྟན་ལ་གནོད་པར་མ་གྱུར་ཏོ།། གནས་བརྟན་གྱི་ཁ་རླངས་ཀྱི་དུ་བས་ཀླུའི་རྒྱལ་པོ་ལ་གནོད་པར་གྱུར་ཏོ།། ཀླུའི་རྒྱལ་པོ་རབ
iiif viewer powered by OpenSeadragon
