| e-texts navigator |
| Wylie |
211b1 ལྡན་པ་དས་དགེ་སློང་ལྔ་བརྒྱ་དང་བཅས་པས་གཤེགས་ཏེ། སུམ་ཅུ་རྩ་གསུམ་གྱི་ལྷའི་བར་མངོན་སུམ་དུ་གྱུར་ཏོ།། དེའི་ཚེ་དེའི་དུས་ན་ཀླུའི་རྒྱལ་པོ་དགའ་བོ་ཉེ་དགའ་དེ་ལྟ
211b2 བུའི་གཟུགས་ཀྱིས་སྡིག་པའི་ལྟ་བར་ལྷུང་བ་ལྟ་བ་ངན་པའི་སེམས་སྐྱེས་སོ། ། དགེ་སྦྱོང་མགོ་རེག་འདི་ངའི་སྟེང་ནས་སུམ་ཅུ་རྩ་གསུམ་གྱི་ལྷའི་འཇིག་རྟེན་གྱི་གནས་སུ་གཤེགས་པར་འགྱུར་རོ།། འདི་ནི་ད་ལྟ
211b3 ནས་ངའི་མགོ་བོ་ལ་རྐང་པའི་རྡུལ་མགོ་བོའི་སྟེང་དུ་ལྷུང་བར་བྱེད་པས་འགྲོ་རུ་མི་སྟེར་རོ་སྙམ་སྟེ། ལངས་ནས་རི་རབ་ཀྱི་རྩ་བར་སོང་ངོ་།། རང་གི་གཟུགས་བོར་ཏེ་རི་བོ་མཆོག་རབ་སྟེང་འོག
211b4 ཐམས་ཅད་རང་གི་ལུས་ཀྱིས་ལན་བདུན་དུ་དཀྲིས་ནས་སྟེང་དུ་གདེངས་ཀ་བྱས་ཏེ། སུམ་ཅུ་རྩ་གསུམ་པ་རྣམས་ཀྱིས་མི་མཐོང་བར་བྱ་བའི་ཕྱིར་རོ།། དེ་ནས་ཚེ་དང་ལྡན་པ་ཡུལ་འཁོར་སྐྱོང་གིས
211b5 བཅོམ་ལྡན་འདས་ལ་འདི་སྐད་ཅེས་གསོལ་ཏོ། ། བཙུན་པ་སྔར་བཞིན་གནས་འདིའི་ཕྱོགས་སུ་འདུག་ནས་རིའི་མཆོག་རབ་མཐོང་ངོ་།། རི་བོ་མཆོག་རབ་འཁོར་དང་བཅས་པ་མཐོང་ངོ་།། སུ་མ
211b6 ཅུ་རྩ་གསུམ་མཐོང་ངོ་། ། རྣམ་པར་རྒྱལ་བའི་ཁང་བཟང་མཐོང་ངོ་།། རྣམ་པར་རྒྱལ་བའི་ཁང་བཟང་གི་སྟེང་གི་རྒྱལ་མཚན་མཐོང་ངོ་།། བཙུན་པ་ཅིའི་རྒྱུ་ཅིའི་རྐྱེན་ལགས། ད་ནི་རི
211b7 མཆོག་རབ་མི་མཐོང་བར་འགྱུར། བཅོམ་ལྡན་འདས་ཀྱིས་བཀའ་སྩལ་པ། ཡུལ་འཁོར་སྐྱོང་འདི་ནི་ཀླུའི་རྒྱལ་པོ་དགའ་བོ་ཉེ་དགའ་ཞེས་བྱ་བ་ཁྱེད་རྣམས་ལ་ཁྲོས་པར་གྱུར་ཏེ། རི་ངོ
iiif viewer powered by OpenSeadragon
