| e-texts navigator |
| Wylie |
203b1 བྱིན་གྱིས་དེ་སྐད་ཅེས་གསོལ་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས། བཅོམ་ལྡན་འདས་ཀྱི་ཐད
203b2 ནས་ཞལ་དུ་ཕྱོགས་ཤིང་ལྟ་བས་དོང་སྟེ། མགོ་བོས་ཕྱག་འཚལ་ནས། དེ་ཉིད་དུ་མི་སྣང་བར་གྱུར་ཏོ།། དེ་ནས་བཅོམ་ལྡན་འདས་ཀྱི་འཁོར་ཇི་ལྟར་ལྷགས་པ་བཞིན་དུ་ཐུགས་སུ་ཆུད་ནས
203b3 བསམས་པ་དང་། ཕྲ་རྒྱས་དང་། ཁམས་དང་། རང་བཞིན་རྣམ་པར་མཁྱེན་ཏེ། འཕགས་པའི་བདེན་པ་བཞི་ཡང་དག་པར་རབ་ཏུ་རྟོགས་པར་བྱེད་པའི་ཆོས་བསྟན་པ་དེ་ལྟ་བུ་མཛད
203b4 པར་གྱུར་ཏེ། དེ་ཐོས་པ་ཁོ་ན་ལས་ཀུ་ཤིའི་གྲོང་ཁྱེར་ནས་སྐྱེས་པའི་གྱད་རྣམས་ཀྱིས། ཁ་ཅིག་གིས་ནི་དྲོ་བར་གྱུར་པའི་དགེ་བའི་རྩ་བ་དག་བསྐྱེད་དོ།། ཁ་ཅིག་གིས་ནི་རྩེ་མོ་དག་བསྐྱེད་དོ།།
203b5 ཁ་ཅིག་གིས་ནི་བཟོད་པ་ཆུང་ངུ་དང་འབྲིང་དག་བསྐྱེད་དོ།། ཁ་ཅིག་གིས་ནི་བདེན་པ་དང་རྗེས་སུ་འཐུན་པའི་ཆོས་ཀྱི་མཆོག་རྣམས་བསྐྱེད་དོ།། ཁ་ཅིག་གིས་ནི་རྒྱུན་དུ་ཞུགས་པའི་འབྲས་བུ་མངོན
203b6 དུ་བྱས་སོ། ། ཁ་ཅིག་གིས་ནི་ལན་ཅིག་ཕྱིར་འོང་བའི་འབྲས་བུ་མངོན་དུ་བྱས་སོ།། ཁ་ཅིག་གིས་ནི་ཕྱིར་མི་འོང་བའི་འབྲས་བུ་མངོན་དུ་བྱས་སོ།། ཁ་ཅིག་གིས་ནི་རབ་ཏུ་བྱུང་ནས་ཉོན་མོངས
203b7 པ་ཐམས་ཅད་སྤངས་ཏེ། དགྲ་བཅོམ་པ་ཉིད་མངོན་དུ་བྱས་སོ།། ཁ་ཅིག་གིས་ནི་ཉན་ཐོས་ཀྱི་བྱང་ཆུབ་ཏུ་སེམས་བསྐྱེད་པ་དག་ཏུ་གྱུར་ཏོ།། ཁ་ཅིག་གིས་ནི་རང་བྱང་ཆུབ་ཏུ་སེམས
iiif viewer powered by OpenSeadragon
