| e-texts navigator |
| Wylie |
203a1 དོང་ནས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ཐ་མར་བལྟ་བའི་ཕྱིར་འདོང་ངོ་སྙམ་སོ།། དེ་ནས་འཁོར་གྱི་བདུ
203a2 བོ་ཚངས་པ་དང་། ལྷ་རྣམས་ཀྱི་དབང་པོ་བརྒྱ་བྱིན་རང་གི་རིས་ནས་མི་སྡུང་བར་གྱིར་ཏེ། འདོད་པ་ན་སྤྱོད་པ་དང་། གཟུགས་ན་སྤྱོད་པའི་ལྷ་རྣམས་དང་ལྷན་ཅིག་བཅོམ་ལྡན་འདས་ཀྱི་སྤྱན་སྔར་འཁོད
203a3 དོ། ། འཁོར་གྱི་བདག་པོ་ཚངས་པ་ཕྱོགས་གཅིག་ཏུ་འཇུག་པས་དེའི་ཚེ་ཚིགས་སུ་བཅད་པ་དག་གསོལ་པ། རྫོགས་པའི་སངས་རྒྱས་གྲགས་ལྡན་པ།། དེ་དག་མཐོང་བ་རྙེད་པར་དཀའ།།
203a4 ཨུ་དུམ་ཝ་རའི་མེ་ཏོག་བཞིན།། བསྐལ་པ་བྱེ་བར་རྙེད་པར་དཀའ།། ཤཱཀྱ་སེང་གེ་མི་ཡི་མཆོག། སྟོན་ཁྱོད་དེ་བཞིན་རྙེད་པར་དཀའ།། གཟུགས་ན་སྤྱོད་པའི་ལྷར་བཙས་ཏེ།། ཐལ་མོ
203a5 རབ་སྦྱར་ཁྱོད་ལ་འདུད། ། ལྷ་རྣམས་ཀྱི་དབང་པོ་བརྒྱ་བྱིན་ཕྱོགས་གཅིག་ཏུ་འདུག་པས་དེའི་ཚེ་ཚིགས་སུ་བཅད་པ་དག་གསོལ་པ། བདག་གི་ཆོས་མིག་རྣམ་པར་དག། སྙིང་ལ་ཆོས་ཀྱི
203a6 སྒྲོན་མ་འབར། ། ངན་སོང་སྒོ་རྣམས་བཅད་ལགས་ཏེ།། བདག་ལ་ངན་འགྲོའི་འཇིག་མ་མཆིས།། ཨེ་མའོ་སྟོན་པ་ཐུགས་རྗེ་ཅན།། ཕན་པར་བཞེད་དང་ཐུགས་བརྩེ་བ།། འདོད་པར་སྤྱོད
203a7 པའི་ལྷར་བཅས་ཏེ། ། ཐལ་མོ་རབ་སྦྱར་ཁྱོད་ལ་འདུད།། མི་ཐོགས་ཡོངས་སུ་མྱ་ངན་འདའ།། ཁྱོད་ལ་ཐ་མར་ལྟ་བ་ལགས།། འཁོར་གྱི་བདག་པོ་ཚངས་པ་དང་། ལྷ་རྣམས་ཀྱི་དབང་པོ་བརྒྱ
iiif viewer powered by OpenSeadragon
